[عطر]

[align=center]سلام أخواني وأخواتي رواد المطبخ المشافيح ..

اليوم جايب لكم حلى بتصير مضاربات في البيت علشانه .. بس أهم شي كل واحد يخلص النية قبل مايسويه خخخخخخخخخ ===> واحد يسمع بالنية ..

أول شي خلونا نشوف الإسم .. وهو ( آيسكويت ) ..
هذا طال عمركم يعني .. بسكويت الآيس كريم .. اللي هو حسب المعادلة التاليـه .. أيس كريم + بسكويت = آيسكويت ..
مايعرفه الا اللي فاهم بالرياضيات هههههههههههههههه

نجي للزبده ..

المقادير ..

بسكوت طبعا يفضل اولكر والا اي شي يمشي الحال ..

حبتين دريم ويب

عصير سنتوب

حبة قشطة .. ( كشطة عند بزاريننا ) ..

ملقعة

سكر

حليب بودرة ..

انتهينا من المقادير ..

طريقة التحضير .. بالسديراوي .. وشلون تسويه ..

أول شي تسوي كاس حليب بودرة .. وبنفس الوقت تجيب لك صينية علشان تغمس البسكويت في الحليب أي ( تغطه ) ثم تصفها بالصينية طبعاً الصينية هذي إن كانك بتقدمها لضيوف حط وحده زينه وكشخه .. اما ان كنت بتحطها لأهلك فأي وحده تمشي الحال لو ان شاء الله تسويها بقدر ههههههههههه

الحين نجي للمهم تجيب الخلاط وتحط فيه الدريم ويب مع القشطة مع نص كاس حليب وشوي موية وسكر لاتسوي حليب جديد يكفي اللي غطيت فيه البسكوت ههههههههههههههه هذا إن ماشربته قبل هههههههه
وتشغل الخلاط وتخليه يدور لين يقول بس .. وبعدين تطلع الخليط وتصبه بطريقة أنيقه على البسكويت اللي بالصينيه طبعا ترفع الخلاط فوق وتخلي الخليط ينزل بشويش كذا على البسكوت بالتساوي ..

وبعدين توديه على أقرب ثلاجه عندك وتخليه لين يجمد وبعدين تجيبه لأهلك مع قهوة المغرب وتسوي مفاجأه لهم .. طبعاً تقطعه قطع حلوه وتقولهم كل واحد ياكل قطعته وبس واحده مافيه غيرها ههههههههههههههههههه علشان يصير لها طعم .. وتخليهم يستطعمونها زين ههههههههههههه

وبالهناء والشفاء وبالعافية ..



ايه نسيييييت
باقي عصير سنتوب .. اكيد تقولون وينه وهو ضمن المقادير ..
طال عمركم لما رحت للسوبر ماركت أشتري الأغراض شريتها كلها وعطيته عشرين ريال والحساب 19 ريال .. باقي ريال قلت ناخذ أقرب شي عصير سنتوب ههههههههههههههههه[/align]