[خفوق إنسانة]

كثر المواصل بالهوى ماهو بزين
ودك بخلك بين مده ومـــــــده

لن بني ادم ماترك طبعه الشين
لاحب له شي وشبع منه هده

لكن لا منه جاك من حين لي حين
قدرت جياتـــــــــه وقدرت صـــــده

وان قلت ابيك وقال ماهوب ذلحين
لاتضايقه يمكن ظـــــروفه تحـــــده

اصبر عليه ايام وشهور وسنين
ان كانه يودك وكانك تــــــوده

خلك لمنه اعطاك ماتطلبه دين
ماجاك منه اخذه ومارد رده

ولاتسوي مثل ناسن مساكين
اصلك وفصلك بالهوى لاتعده

العشق مايعرف قبيله ولادين
نكس حكومات وفرق اشده

جوه عقال وراحو مجانــــــــين
وكم واحدن خاضه ولاهوب قده

هذا كلامي وانت بتشوف بعدين
والله ان تميز بين مزحه وجـــــــده


للشـــــاع ــر / عبد الله علوش