[أسد نجد]

بسم الله الرحمن الرحيم

السلام عليكم ورحمة الله وبركاتة


هذه قصة وقصيدة فكاهية بين صاحب مزرعه وضب




يقال ان عايدبن سعدي الذرفي من اهل الشمال جلس ثمان سنوات وهويداعي في صك مزرعه وتبهذل ولماطلع الصك

بعدهالتعب بذر بذره وجلس يحاضيه وكل ماجا لاورق البذر مقطع وملعوبه فيه احتار ولايدري وش المشكله جلس يبحث

عن المشكله والله مير يحصل هاك الحفره وش كبرها تمعن في لاثر لاهو اثر ضب قال لاحول ولاقوة الا بالله كل ماطلعت

من مشكله دخلت في مشكله تهيض وقال هالابيات يخاطب الضب



ياضب وش علمك على خضرة الجار==ابااشتكـي كانـك تسمـع لشكـوآي



وباخذعليـك اقراروانـذار واحـذار==ادهم درك نفسك ترى قمت بـاوذآي



عبثت بالخضـره كمايعبـث الفـار==واثريك ماتذخرعلى قطـع عقـلآي



ياهولتـي تقـول يقصـه بمنشـار==سمحتله واليو حـدن علـى اقصـآي



جح وطماطـم ثـم بطيـخ وخيـار==زرعتهـن زرع المهنـدس بيمنـآي



عقب ثمان اسنين برهـاق واخبـار==وهم ومشاكل وانقل الـداي بـردآي



كل نصحني مير ماطعـت الاشـوار==مدهـور علـى عمايـه وعمـيـآي


كان اخوه واقف خلفه ويسمعه قال انت ماسمعت الضب وش رد عليك قال لا قال اسمع وش يقول الضب




ياجارلاتغلـط وانـا صاحـب الـدار==ولاتظلمن هـذا مصيـفـي ومشـتـآي



واليوم جاورتن تبي تفـرض احصـار==مير لاعاش من جابك على راس مفلآي



بليتبـك وانابليتـك بالـلـي صــار==لاشك ساعدنـي علـى كبـر بلـوآي



ترى جيرت الطيب مثـل در الابكـار==وترى جيرت الخيب مثل مروح الدآي



عايد الذرفي له رفيق وسمع بالقصه وقال ايه هالذرفي خبل بيخلي الضب يلعب في مزرعته يوم تعذر منه مير هين


ركب على سيارته لين جاه وقال ابي اشوف المزرعه يابوفلان والله مير يمشيه قاله ياعايد انت رح سو الدله في العشه

وانا بتمشا شوي وبلحقك ويوم راح من عنده قام ومسك اللي وحطه في حفرة الضب وفك المويه لين طلع الضب وكان

معه شلفا حاطها بينه وبين البشت والله ميريطلع الشلفا قال اسمع ياضب




ياضب ماسمح لاتعذر بالاعذار== شري عليـك وقاطعـن عنـك حسـنـآي



مادمت لجارك ياسود الوجـه غـدار==حلت ذكاتك والوعـد يـوم لقيـآي



هوحل واحد واسمع الراي واختـار== يا غول ولا شنق والابشلفـاي




وهو يلهبه بالشلفا لاهو ميت