(سال فكري )
سال فكري من خياله مايحبكه من مجال
وهام في شعره مهيّم ساهرٍ عيا ينوم
فالخيال الواسع اللي خال فكري فالخيال
بين انواع النجوم وبين انواع العلوم
سقت افكاري بفكرٍ وين ماجبته دلال
يترنح فالمعاني والمعاني له تقوم
سقت قافي والقوافي والحروف اللي تنال
كل اعجاب الجماعه طيبين السلم دوم
سقت شعري شعر وافي شعر خال الاختلال
شعر يعني للمعالي والمعاني والسلوم
اكتب ابياتي بشخصٍ زين وجهٍ والجمال
كاسيه من كل وجهه كل ماشفته تهوم
واكتب ابياتي بناسٍ تستحق اللي يقال
اما مدحٍ او هجاءٍ فيه شنيت الهجوم
واكتب ابياتي بناسٍ سلمها سلم الرجال
شامخة عن كل زلة شامخة بين النجوم
وارتجي ربي الاهي خالق الأرض وجبال
ارتجيه بكل فضله وارتجي خيره يدوم