[سمو الأمير]

موقف طريف مر بي ،
.
.
.
رغم أني حافظ شي من القران الكريم إلا أني عجزت أحفظ سورة الكافرون !!
يمكن تستغربون ، لكن جتني عقده من عقب ذاك اليوم
كنت طالع من الرياض وقلت بصلي المغرب بهالمحطة
بعد ماتوضيت ودخلت المسجد لقيت جماعة لا بأس بها ، لسا ماصلوا
هم شافوني مقبلْ توسموا فيني خير وقالوا لي تقدم ياشيخ
طبعاً ماصدقت خبر ( بس دزوني )
وأكبر وأقرأ الفاتحة وبعدها قريت سورة الكافرون ، وليتني ماقريت سورة الكافرون ، لا وأقلد الشريم بعد
اللي أعرفه من خلال تجربتي وخبرتي البسيطة أن سورة الكافرون ثلاث سطور !! وشلون صارت عشرين سطر ... الله أعلم
لله في ذلك حكمة
عجزت أنهي السورة لا أعبد ماتعبدون ولا أنتم عابدون ماأعبد ..
المشكله يردون علي بس ما استفيد من ردهم
اللي يقول : لا أعبد ماتعبدون واللي يقول : ولا أنتم عابدون ما أعبد
ابي أحد يقول لي : لكم دينكم ولي دين ... إن شاء الله من خارج المسجد بس محد قال ...
وركعت بدون ما أختم السورة
تعالوا شوفوا وجهي بعد الصلاة
اللي اعرفه أن الواحد يستغفر ثلاث مرات بعد الصلاة لكن الجماعه جلسوا يستغفرون لين طلعوا من المسجد
وعيونهم تقول : الشرهه مو عليك الشرهه على اللي مقدمك تصلي بنا