اطرب لكتابات سمو الأمير ياناس
................. والـقى الـثـقـافـه كـلـها يـوم ابيها
كتابته تروق لي من قـلـب حـسـاس
............... كلام كله فايده وصفحته دوم اجيها
عساه يسلـم خـاطـره ويسلم الـراس
.................يـومـه يـصـوغ الــمدونه و تعب فيها
انا اشهد انه و الـنـعـم عـز نـومـاس
................. قول وفعـــل خطوة الطيب يخطـيها
سمو الأمـيـر لـلـقـلـم صـار نـبراس
................. قدوة اهل الخيرو كلمة الحق يعنيها
تـعـجـبـني كتاباته من قلب وإحساس
................. يستاهل التقدير و كلمتي له ابـديـهـا
كـل الـغـلـآ تـهديـك يـاطـيـب الساس
................. كلمة شكرمن قلب لسمـــــوك تهديهـا
وكان الرد المتواضع المُخجل
هات الدلال وهات نجرٍ ومحماس
.......... والبن ويا الهيل قرب بسويها
يامرحبا وأهلاً وسهلا بأحساس
...........كل الغلا ياجعل ربي يحييها
من داخل القصر المبنا بقرطاس
......... تفضلي دونــك دلالٍ تقـــهويها
وعذراً ترى قصرٍ دخلتيه محتاس
........ ماهو مقــــامك بـس نورت فيها
دونك أريكة أجلسي واخذي انفاس
....... وهــاك الورق أمضي بيدك عليها
وكان ردُها
قصرك دخلته من زمان بنوماس
.................. و امضيت على اوراقـــــك بما تحتويها
و اريكتك جلست عليها رافعه الراس
..................و اشـــوف رمز الكــــــرم يرفرف عليها
تسلم و يسلم قلبك كله إحساس
.................. و مشكور على كل المشاعر و ماتعنيها
و طلبك تم يا اخوي يا طيب الساس
.................. ابشر بعـــزك و طلبـتك اللي تبيـــــــها
وقلتُ
صح اللسان وصح راعيه ياناس
....... والدار زانت بمن وطى أمس فيها
والله جيك يالغلا كنها الماس
........ خذي مفاتيح القــصر واحفظيها
كل الغلا حطيتها وسط الأقواس
...... يعني حضـــــوره فرض لازم عليها
استأذنتها في إيداع هذا النص الأدبي الجميل في داخل القصر فقالت :
الغالي يرخص لك و تفداك الأبيات
...................... عســـــــاه يحقق لك كل الأمــــاني
سمو الأمير الناس والله مقامات
...................... و مقامك أكبر من كل المعــــــــــاني
قصرك مشيد من قديم و جديدات
...................... و صارت اسواره اعلى كل المباني
مشيد على التقوى و خمس الصلوات
...................... و مبني على الإيمان و سبع المثاني
عساه عامر بالهنا و المسرات
...................... و يديم عزك لا لفى الضيف عاني
و الحب ترا فالله والله ما مات
...................... كلنا ترآ اخوان وربي عطـــــــــاني
عسى الولي يكتب بدربك سلامات
...................... و يحفظك ربي من شرور الزمــاني
و يرزقك بالصحه و خير و جنات
...................... هذا اللي اتمناه و العمر فــــــــاني
وفقكِ الله ، استمتعت بهذا الزخم الهائل من المفردات ، وهذه القدرة الشعرية العالية ..
والقصر شُرعت أبوابه ورش بلاطه عبيراً بمقدمكِ ، وحياكِ الله في كل ساعة ..