لا ون غيري قلت وش فيك يا هيه
وانا ليا ونيت محدٍ درا بي
ولا شفت غيري في سعاده اهنيه
وانا السعادة ضايعه في عذابي
لي خاطرٍ لا ضاق محدٍ يسليه
ولي نفس شابت بي وانا في شبابي
اضحك وقلبي غارقٍ في مآسيه
واعض اصابيع الندامه بنابي
الحزن لو هو ليل سميت ساريه
والهم ويا الغم سمه سرى بي
ابكي على حبٍ تربع بماضيه
واقفلت في وجهه مفاتيح بابي
مجبور في بعدي ومجبور اخليه
ومجبور انزل دمعتي في غيابي
يابو سعد شعري توارت قوافيه
وانزاحت اشعار الغزل من كتابي
في غيرها الأشعار من تنكتب فيه !
وهي جنوني في القصيد وصوابي
وسلامتكم 
( علي الشهري )