شاعري المفضل بعد حامد زيد الذي سبق اختياره هو الشاعر حمد البريدي المري قطري الجنسية
لقصائده لمحآت اخرى تغوص عميقا الى القلب لتلامس الروح بكل شفافية فهي / بسيطه ، عميقة ، رائعه
ولاتكاد تقرأ قصيدة حتى ترى فيها مايحكيه الشاعر فهي محملة بالاحساسيس والعاطفة الجياشة
بعض من قصائده..
بافارقك .. لو كان ما اخترك فرقاك
بافارقك .. وآنا فرجوى وصالك
البعد لو به خير ما كان خلاك ؟؟
تقطع من عيون المحب اتصالك
ما اكثرك فالصده وفالوصل ما اشواك
الكبر لله .. ( لا يغرك جمالك ) !!
خليتني للبعد .. والبعد قسّاك
خلاك تنسى واحد" قد وفا لك ؟؟
سليت سيف الهجر ؟؟ كني من اعداك
وذبحت شوق الروح شاللي جرى لك
العام ما تصعب الى قلت بلقاك
واليوم من دون المواصيل هالك ؟؟
====
يا من ذبحت المحاني من غلاك الجموح
مرابطك في خفوقي ليه .. خليتها !!
نسيت مفلاك في ضلع الغلا والسفوح
اللي على طارف اضلاعي تخطريتها
فوحت دلة غلاتك .. والمشاعر تفوح
وبن الهوى يحيي الاذهان ويميتها !!
وصبيت لك من بهار الطيب ( فنجال روح )
ونثرت صبة يميني .. يوم مديتها !!
اوجعتني وانت ما تدري .. لو انها مزوح
وفهمت وش مقصدك منها .. وقاسيتها
يا ليت جرح الهوى لحظات عقبه يروح
ما كان نفسي على فرقاك .. حديتها !!
عواصف الحزن هدت من جفاك الطموح
في كلمة (ن) لا وصلت إلها .. تعديتها !!
أسكت الحزن فّي .. وتنطق العين بوح
= = = =
شفتك بعد غيبه .. وحاولت احاكيـك
مهوب من قلبي ولا مـن جراتـه !!
بغيت اقول / فلان وازريـت اناديـك
وكني سمعت اسمـي معـا لالتفاتـه
فزيت من نومي وانا اقـول لبيييـك
وآثرك رويا .. فـي منامـي وجاتـه
صفقت كف .. وقلت يا حلم يشوويك
جددت لي جرح ٍ هنـى فـي مباتـه
يا اللي شريت البعد .. ما غاب طاريك
حتى لو ان البعد .. سـوى سواتـه
مهوب محزني .. على حاجـةٍ فيـك
إلا إن قلبي شايـف ٍ بـك غناتـه !!
كن الطيوف تقـول وشحـال غاليـك
وآقول راح .. وما بقـى الا غلاتـه
لو ان ما جانـي مـن الهـم ياتيـك
كان المصلي ما حفـظ وش صلاتـه
مريت شارعكم .. وصادفنـي أخيـك
واللي قطع كبدي .. حلاتـك حلاتـه
بغيت الخبط من دعايـاه ,, وادعيـك
واسمك وقف بين اللسان ولهاتـه !!
وبغيت اجيب العيد وآقول : يرضيـك
فاللي وصاتي له .. وضيّـع وصاتـه
البعد شيّـب خافـق ٍ ميـت فيـك !!
والى مشى خطوه عثر فـي عصاتـه
مشكلتي / إن قلبـي يحبـك ويغليـك
ومشكلتك / انك شخص عايش حياته
كثر الجفا .. نار .. وحطبها تغليييـك
خف الحطب .. لا تزيد نار الشماتـه
إن ما احزنك جرح ٍ برجواه يدعيـك
ما عاد تفرق .. عيشته مـن مماتـه
قلبي وعمري .. كلها بيـن اياديـك
العمر فدوه .. لكن القلـب هاتـه !!
وإن ما بغيت ترد قلبي مـا اوصيـك
احسن عزاه .. الى دريـت بوفاتـه ...
جزآك الله الف خير / لاهنتيً على مآقدمتيهَ
تقبلي خآلص. تحيآتيَ الرآقيهَ