[سعود الخليل]

عافاك ربي اخت رحيق الياسمين وما قصرتي على هالموضوع المميز بالفعل . . كنت أتابع معكم الموضوع والمشاركات الجميلة فيه ولم أتوقع ان اكون مشارك معكم ليس لشيئ ولكني لا أجد أن هناك شاعر واحد فقط نتابعه لكني شخصياً احب ان اقرأ وأسمع القصيد الجزل المميز فهناك الكثير من الشعراء الذين احب القراءة لهم سواء من القدماء أو المعاصرين أمثال بن لعبون وبن جعيثن وبن مزيد و عبدالله العليوي رحمهم الله و الفراعنه وصالح السكيبي وبن فطيس وخالد الردادي ووو الكثير ممن يتميز شعرهم بالجزالة ،، لكني سأختار لكم شاعر مميز يعجبني في شعره السهوله والإبداع وهو الشاعر فهد المساعد ،،،



وهذه باقة من قصائده :


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] تعبت أسولف لك وانـا مـا تكلّمـت=أسكت أنـا وأتـرك عيونـي تكلّـم
لاتفهم احساسي ولا تفهـم الصمـت=مدري وش أسـوي علشـان تفهـم
ودي أقول فـيوم كم فيك أنا همت.!=لكنّي خايف,,خايـف أقـول وأنـدم
كل ما بغيت أقـول أحبـك تلعثمـت=حتى وأنا أحلم فيـك كنـت أتلعثـم
كم ضقت منك وكم عشانك تبسمت.!=الله هو اللي بس فـي حالـي أعلـم
أحبـك لحالـي ولا يـوم علـمـت=إحساس أحس الموت من طعمه أرحم
لو بس تدري كيـف أحبـك تألمـت=عن كل لحظـة منـك كنـت أتألـم
تعبت أسولف لك .. وأنا ما تكلمـت=يارب تفهم بـس ..يـارب تفهـم ! [/poem]

=====

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] كـلٍ يغنـي علـى لـيـلاه=وانـا علـى حالـي أغنـي
أحيان عقلـي احسّـه تـاه=واحيان افكّر واقول : انـي
حزين..صـدري مدايـن آه=ضايع بخت من صغر سنّـي
غريب ربع وطريـق وجـاه=وحيـد مااحـدٍ درى عنّـي
غاوي شعر والزمن شلفـاه=تنهش ضلوعـي وتطعنـيّ
يلعن ابو الشعر يوم اقـراه=وش جاب لي وش خذا مني؟
اظمااااه واشربه لين اظمـاه=وبأمـوت ظاميـه لكـنّـي
لو مااوزنه وانكسر لرضـاه=راحـت قوافـيـه تلعّـنـي
في الذاكره شيّ لـو انسـاه=يمكنـي اعيـش متنـهّـي
في الذاكـره دمـع..لاوالله=فـي الذاكـره طفـل يغنـي
ليت الاماني جبـل وارقـاه=وانسى همومـي وينسّنـي
مايدري انّي علـى ذكـراه=يمكـن ابقـى ...ويمكنّـي
اترك طريق الشعر واجفاااه=واموت مأحـدٍ درى عنـي[/poem]



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] صوّت حبيبي وقبـل أقـول ياعونـك=شكى جروحه ورحت أشكي له طعوني

يقول مقدر أعيش اليوم مـن دونـك=وأقول حتى ولو ماعشت مـن دونـي

يمكن أنا اكون أعز إنسـان فعيونـك=بس انت والله كـل النـاس فعيونـي

لا صرت ربعي وداري فيّـة جفونـك=وش دخّل الناس خل الناس يجفونـي

يكفيني إن انت لا من قلت وشلونـك=تطيب كل الجـروح ويختلـف لونـي

وإن كان منتب مصدقني على هونـك=تعال وطالـع دروبـي ويـن ودونـي

أصبحت أجامل عداي اللـي يحبونـك=وأكره مشاهد عـداك اللـي يحبونـي

ومن كثر ما احب واكره عنك واصونك=أصبحت دفتر مشاعر وأنت مضموني

إن غبت عني شعرت بلـذة طعونـك=وإن شفت زولك شعرت بقيمه عيوني[/poem]


مرثية رائعه في والده رحمه الله ...

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يبه وانا بعد اثنعش عـام حسيـت=اني قـدرت اقـول شـيٍ كتمتـه

ابطى قصيدي ماانكتب فيك وابطيت=اجر صوتي وارجع اجـر صمتـه

ماودي اكتب بيت واندم على بيت=ماهوب شعر الشعر كاني زهمتـه

الشعر كانه ماانحنى ليّّ .. ماجيت=ان ماعـزم مرثيتـك ماعزمـتـه

ان ماكتبته باازرق الدمع وابكيـت=كل الجـروح المبطيـه مارحمتـه

يبه وانا من بعدك ابـو التناهيـت=مامـر طعـمٍ للحـزن مانهمـتـه

يبه ( يبه ) كلمه وانا كل مااوحيت=كلمة ( يبه ) صديت والوقت لمته

يبه ( يبه ) كلمه وانا كم تمنيـت=اهدم بها وابني بها اللـي هدمتـه

يبه وانا لاضقت رحت وتهجيـت=ركون بيـتٍ ضـم حلـمٍ حلمتـه

يومـك تعلمنـي الامـن تحاكيـت=درس الحياه اللي كبرت وفهمتـه

هنـاك كانـت دلتـك لاتقهويـت=وهناك كان يساق طيـبٍ حشمتـه

وهناك ايه اذكرني هنـاك خليـت=طفلٍ مـلا بالدمـع دربٍ رسمتـه

هناك جاني علمـك انـك توفيـت=وهناك خاويت الشقـا واحتزمتـه

واليوم قلت اليوم يومـي ومديـت=كف القصيد وطاح شعر ونظمتـه

لكن بعد صمت اثنعش عام حسيت=اني عجزت اقول شـيٍ كتمتـه !! [/poem]

===

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] جيـت فـي ليلـة وداعـه تـايـهٍ بـيـن البـيـوت=وصحت : "وينك؟!.. جيت اوادع عمري اللي ضاع فيك"
مـا سمعـت الا صـدى صوتـه وكـان آرقّ صـوت=ينطق اسمي..ثم يهمس : "من متـى وانـا احتريـك؟!"
قلـت وهمومـي تغافـل زفـرة الـحـزن وتـفـوت :="هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت=قـال وعيونـه تغـارق دمـع : "بسـم الله علـيـك"
قلت : "يا ابن الناس عـادي مـاورى هالمـوت مـوت=وش وراهـا لا فقـدت عيونـك ولمـسـة يـديـك"؟! [/poem]