[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وشّ تسوّي لو عشقت انسان ماهو من نصيبك=لا لك بهالوضع يد .. وْ لا له بهالوضـع سبّـه !
وشهو ذنبك لو غدى مـن بيـن خلق الله حبيبـك=تعرف إن قربه محال .. و قلبك مصمم يحبـه ؟!
و انته متأكد و عارف يب يجي يوم و يسيبك=يعني متوقع بأي لحظه يغيب وْ تغتربْ بـه
كـل دربٍ يرحل بطيفـه .. على وجهك يجيبك=كـل حرفٍ يُكتب لغيره .. تحسّه منكتبْ به !!
كن كل عيون خلـق الله عيونٍ لـه تذيبك=تنثر احساسك جمر ملح وْعلى جرحك تصبّه !
و اللي كاسر ظهر قلبك و بشقا الدنيـا مصيبك=عـارفٍ بانّك تحبّ .. و ما يعَـرْف انّك تحبـّه !
ساكـنٍ بأصغـر تفاصيلك و قلبه ما دري بك=ماكـنٍ بأقصَى معاليق الكيـان اللي لعب به
وش تسوّي لو مرضت بعشق من وصله طبيبك=و انتْ عارف لو ذبحك العشق ما داواك طبّه !! *[/poem]