[أسد نجد]

سامريه ياحمام على الغابه ينوحي للشاعر ابراهيم المنصور الكنعاني

ياحمام (ن) علـى الغابـه ينوحـي *** ساجـع (ن) بالطـرب لاواهنـيـه

قلـت حيـه ولاكـنـه بيـوحـي *** مـر عجـل (ن) ولا سلـم عليـه

واعسـى السيـل دايـم مايروحـي *** مايـفـارق جـفـار الصايغـيـه

حيث تنصاه خطـوات الطموحـي *** كـل بيضـا هنـوف عسوجـيـه

تنقض الراس لاجت بـي تروحـي *** تنكسه ليـه (ن) مـن فـوق ليـه

ياشريفـه مـتـى ودك نـروحـي ***يـم ديـرة هـلـك يالعسوجـيـه

قالـت اصبـر يطيبـن الجـروح *** شهر وعشر (ن) ودنوا لـي مطيـه

كن في ضامري قـدر (ن) يفوحـي *** او غروب (ن) توامى فـي ركيـه

روحي روحي بغت روحي تروحي *** يوم قيـل الغضـي فيـه جدريـه

جيت ابشرب وايلا مسك (ن) يفوحي ***غاسـل (ن) فيـه وضـاح الثنيـه

والحجب نابي (ن) فوق السطوحـي *** والجدايـل علـى متنـه طـويـه