2) وفي المعهد أيضا وكان ذلك على أول ظهور التفزيون في القصيم (افتتحت محطة تلفزيون القصيم سنة1387هـ), سأله المعلم السوداني : مفهوم يا سعد ؟ فقال :مفهوم ياستاد بس بيض الشاشة !!
3) أول ما جا التلفون الآلي لعنيزة والقصيم كله عام 1398هـ يقول سعد دخلنا تلفون وسألتني أمي أول ما دخلناه : وش معنى كلمة (ألو) اللي يقولونه بالتلفون ؟ يقول قلت معناه السلام عليكم . وبعد يومين دخلت البيت ولقيت أمي تصلي يوم جت تسلم التفتت يمين وقالت : ألو , والتفتت يسار وقالت : ألو !!
4) وفيه كذلك كشت سعد وزملاؤه من المعهد وكان معهم الشيخ ابن عثيمين رحمه الله , وكانوا يلعبون كورة ,ولما حان وقت الصلاة قال الشيخ يالله ياعيال صلوا واللي مهوب متوضي يطق عفور . قال سعد : لا يا شيخ , والله ياإن طقيته لأقلعه !!
5) يقول سعد : أنا وأمي عزوبية !!
6) ويقول : أنا وأمي ننام على فراش واحد ! قيل له : كيف ؟! قال : هي تنام عليه بالليل وأنا انام عليه بالنهار!
7) سأل سعد : ليش أنت حوس ؟ قال : موطى وأنا رطب !
8) سأل سعد صديقه صاحب البقالة الشهير : تبيع علي بيبانك ؟ قال : ليش ؟ قال : لأنك منتب تصك !
9) وقال : كنت جالس بالبقالة فجاء شخص يبي فحم , قال له راع البقالة : شف الفحم بآخر الدكان خذ اللي تبي منه ,راح ولقى عند الفحم عقرب , وصرخ عقرب عطونا نعلة علشان نكتله ! قال راع البقالة بصوت عال حازم : لا تكتله ! قال : ليش هذي عقرب ! قال راع البقالة : سبحان الله يمكن يجي أحد يبي عقرب !! والمغزى أنه يبيع كل شي .
10) وقال : كنت جالسا عند راع البقالة وفجأة أغمي عليه ! فأسرعت إلى الثلاجة وأخذت قارورة صحة ورشيت على وجهه , يوم صحا وشاف القارورة ,قال : دفعت ريالين حقات الماء !! وواضح أن النكتة من تأليف سعد رحمه الله .
11) وقال : كنت قاعد أنا وأبوي عقب الظهر نتقهوى ومن قعدنا وأنا أسمع هاك البعرصي يقوقي وألقط النعلة وأتلفت أدوره أبكتله , ولا لقيته مع إن الصوت قريب . . المهم ما دريت إلا وهو طالع من شطب برجل أبوي !!
12) حضرت أنا شخصيا نكته تلقائية له وهي كان سعد رحمه الله جالس وأمامه صديق معروف بالبلد لونه شديد السواد وهو من النوع المزوح ونفسيته عالية ولا يزعل وكان ممدد الأرجل وبطن القدم أمام سعد فقال سعد له ليش مواطي رجلينك بيض قال الصديق لأني أمشي عليها فرد سعد أجل أمش على وجهك لعله يصير أبيض!!! فضحكنا جميعاً.
13) مرة قال سعد: يا جماعة أثر الطنزة تلحق.. أنا يالله أمديت روحي وصكيت الباب!
14) كان سعد رايح للبر مع ربعه وكانوا جايبين ثلاجتين شاهي.. فقال واحد من ربعه: ليش ثلاجتين؟
فقال سعد: وحدة للي يبي شاهي والثانية للي ما يبي شاهي
15) كان الشيخ ابن عثيمين رحمه الله يلبس بشته وكان البشت متعلق بمؤخرة راسه..
وكانوا الناس متعجبين كيف ما يطيح بشته!!
فقال سعد: هذا مَلَك السيئات ما عنده شغل وشايل بشته!
16) مرة كان سعد طالع من المستشفى وقابل الشيخ ابن عثيمين وهو داخل
فقال له: سلامات يا شيخ؟ فقال الشيخ:أبي أحلّل السكر.
فقال سعد: حنّا دارين إن السكر حلال، حنا نبيك تحلل الخمر!
17) كان سعد منول يقعد عند بقالة الرميح ... يوم فتحت بندة القديمة بدا يقعد عند بندة ..
عاد سألوه الناس وراك بديت تقعد عند بنده ..
قال : جايتن ترقية
18) سعد يروي قصة مع اميمته يقول :
كانت امي تكنس الحوش .. عاد مر البخاخ حق البلدية
ومع الغبار والدخان .. لقاه تكنس عند نادي العربي
19) يوم الجمعه جت ام سعد بتصحي سعد من النوم علشان صلاة الجمعه ..
عاد امه تقوله : يله قم ياسعد الامام يبي يخطب !
قال : زوجوه تراه يصلي
20) يقولك في احد المرات سعد نيم بالسطح وامه تصحيه وتقوله : قم ياسعد الشمس طلعت ورد عليه وقال: دخليها وصكي الباب
يتبع