[سعود الخليل]

[poem=font="Simplified Arabic,4,black,normal,normal" bkcolor="burlywood" bkimage="" border="double,4,sienna" type=0 line=0 align=center use=ex num="0,black"]
قالوا تعلّمت قلت إعنــاد وفـــــراسه = أجاهد النفس والدنيا وأصارعها

ودرست في مدرسة من شيبت رأسه = دنيا العنا اللي قصيفات مطامـعها

تلميذها دايم ٍ تكتب بـــقــرطـــــــاسه =تعطيه جملة أدروس ٍ مايضيعهـا

الله عطانا نظر وقلوب حــــســـاسه = نأخذ علوم المعرفه من مـراجعها

ونساير الوقت ونقيسه بمقيـــــاسه = ونواجه النفس بالواقع ونــــقنعها

ترى حياة الفتى مهما قوي بـــاسه = محفوفة ٍ بالخطر والموت تابـعها

من مبتدا العمر حتى يلفظ أنفـاسه= يمر في مرحله تكثر زوابــــعــها

أول حياة الفتى مشوار وعساسه = مسافة في عجاج العمر يقطــعها

ثاني حياة الفتى تدريب ودراسه = تصعب ظروف الحياة وينشغل معها

وثالث حياة الفتى يرجع على ساسه= النقطه اللي بدى منها يـــــراجــعها

يدخل بسن الهرم ويضيع الطــاسه = يزحف مع الأرض ويمتر شوارعها

واليا تلاقت متونه ورتخى راسـه = ضاعت جميع العلوم اللي مجمـعها[/poem]

صح لسانك يا رشيد الزلامي ... قصيدة تستحق أن تحفظ ولا تنسى ... هذا نتاج التجربة وخبرة السنين ...


سلمت يداك أخوي فهد نجد ... على هذا الإنتقاء المميز ... ولا عدمنا حضورك البهي ...