[أسد نجد]

21) كنا جالسين في مزرعة وكنت أصب شاهي لسعد وبعد فترة من الصب المتكرر قال تراني فشلت من البريق

22) قالت أم سعد لسعد ك متى تحج بي ياوليدي إن شاء الله ؟ قال سعد : إذا فتحوا فرع ببريدة !!

23) صلى سعد مع الشيخ ابن عثيمين الله يرحمه الجمعة وكانت الخطبة عن الإسبال (تطويل الثياب) , يوم طلع سعد سأله أحد خوياه اللي صلوا معه : وش رايك بخطبة الشيخ اليوم ؟ قال سعد : والله يا إن صدق الشيخ فهو الله واعلم ما داخل الجنة إلا هو وخرمة !!

24) قال سعد لصديقه صاحب البقالة الشهير اللي كانت عيونه تدمع دايم : الناس ياسليمان يعدون القروش كذا ( وبل اصبعه بلسانه ) وأنت تعدهن كذا ( وبل اصبعه بعينه ) !!

25) قالوا لسعد : أهل بريدة رافعين طلب للحكومة يبون عندهم مستشفى مجانين . قال سعد : ما يحتاج , يسورون بريدة ويكفي !! مع الاعتذار لأهلنا وجيراننا وإخوتنا أهل بريدة , والنكتة لا يراد بها الإهانة بقدر ما يراد منها التملح ,والعقلاء يدركون ذلك .

26) توظف سعد في إحدى الدوائر الحكومية , وباشر الساعة ثمان , والساعة إحدعش راح للمدير يقدم يبي إجازة !!

27) أول ما توظف سعد عينوه بالإرشيف يوم راح لقى فيه اثنين موظفين وجيههم شينة , وعلى طول رقى للمدير وقال له : أنتم جايبيننا توظفوننا وإلا توحشوننا ؟!!

28) قابل سعد زميله أيام المعهد الرجل القصير جدا , ودار بينهما الحوار التالي :
سعد : السلام عليكم , كيف الحال يابو عبدالرحمن ؟
الرجل القصير : بخير يابو محمد .
سعد : ما شا الله يذكرون إنك تعمر يابو عبدالرحمن .
الرجل القصير : إي والله أبشرك .
سعد : ماشا الله وش وصلتوا بالعمار ؟
الرجل القصير : أبشرك صبينا الميدة .
سعد : خلاص طموا !!

29) قابل سعد أحد أصدقائه وبعد السلام قال له صديقه أبشرك طقينا الخنزيرة ونبي نبدا نعمر , تعال أوريك . وراحوا للأرض ويوريه صديقه المخطط على الأرض ويقول : هذا المجلس , وهذا المقلط , وهذا حمام , وهذا المطبخ , وهذي الصالة , وهذا مجلس نساء . . يوم خلص قال سعد : ورنا الدور الثاني !!

30) يقول سعد : كنت راكب مع قريبنا الشايب اللي توه متعود السواقة , وكان يمشي قدامنا واحد بسيارة وفجأة ولع الفلشر ( الإشارات الأربع علامة الخطر ) , وما دريت إلا والشايب يطحل الفرامل ويلتفت علي ويقول : معين يبي يلف هذا ؟!!

31) مرة سلم علية واحد هو مع اخوة ويبي يعرفة على سعد قال لة هذا سعد وهذا اخوي مساعد رد سعد علية مساعد قدام والا ورى .

32) انة سعد كان حوس ويسئلونة وش احسن وظيفة لك قال قهوجي في قهوة علشان كل يحسبن جاي عندة

33) أم سعد تصحيه :
سعد قم .. قم ياسعد .. سعد قم .. قم ياسعد ...

( وهو كان يشرب مالبورو أحمر .. وهالمرة غيره لـ أبيض )

ياوليدي قم شف دخانك قلب لونه من الشمس ونت ماقمت ..!! .

34) لما سئل عن مقلد الاصوات صالح الجبيري
هل يشبة تقليد لك الحقيقة
قال سعد والله انه يقلدن احسن مني

35) كان سعد جالس عند البقالة الشهيرة ومعه ربع جالسين يسولفون وينكت عليهم المهم جاهم صالح الجبيري وعاد صالح يبي ياكل الجو سلم عايهم وقالهم وش تبون أقلد لكم قاله سعد نبيك اتقلد لنا
صالح الجبيري وهو ((يقلب وجهه)) . مع الأعتذار لأبو عبدالله

36) كان سعد وربعه يبي يطلعون للبر وبالحظات الاخيره صار عند سعد شغل قال الربعه روحو انتم وانا الحقكم وان تأخرت تعشو وخلو لي شوي المهم طلعو وتعشو وجو يبي يسوون ابسعد مقلب حطولة دجاجه حية ابوسط القدر وطبقوة ... المهم يوم جاء سعد قالهم وين عشاي قالوله بالقدر يوم فتح الغطاء ولقى الدجاجة قال (( أدري يارب انك تحيي الموتى لاكن وين الرز يارب ))

37) واحد من الجالسين قال سعد وش اخر نكته : ... قال سعد الله يرحمه ان شاء الله

" هذا مصارع قزم ... طلعت القرعه على انه يبي يباري مصارع عملااااق مره..

ومار يبلش القزم ويجتمع مع مدربه... ويزينون خطه..! اللي هي " ان اول ما تبدى المصارعه

القزم ينط على العملاق ويمسكه مسكه منومه " ..... المهم

جاء يوم المباراة واول ما بدت وينط القزم ويمسك العملاق هاك المسكه المنومه ...

العملاق عيا ينام....يمسكه يمسكه .. ماش عيا ينام <<< طلع العملاق نايمن الظهر

38) يقول سعد رحمه الله : إن أحد الإخوان ( وذكر اسمه ) سافر من عنيزة للرياض ، وسجلوا عليه بالرياض مخالفة مرورية ب 300ريال ،المهم راح هذا الشاب للمرور يبي يسدد وكانت الساعة وحده ونص يوم الأربعاء يعني يبي يخلص الدوام فماكان معه إلا أم خمسمية فأخذها منه محصل المرور وقال له : ماعندنا فكه تعال يوم السبت وخذ الباقي 0قال الشاب : لاوالله منب قاعد للسبت لكن الباقي أبفحط به ولاتطلبونن ولا أطلبكم .

39) يذكرون عن سعد ان واحدن مزعجه يتصل وينفخ بسماعة التلفون رد عليه سعد وقال يا اخوي انت متصل على وجار

40) كان سعد (وكما هو معروف ) يجلس عند صاحب البقالة الشهيرة ...وكان الناس اذا مروا من عند البقالة ضربوا (بوري ) لسعد وصاحب البقالة .. وكان سعد اذا طنبوا قال وعليكم السلام ) ... وفي احدى الايام كان احد المارة فاتح دريشته وقال : السلام عليكم .......... فرد سعد : بيب (صوت البوري) .

يتبع