بسم الله الرحمن الرحيم
أعزائي ...
خطرت لي فكرة بأن أضع موضوع خاص بالخواطر الشعرية
والتي لا يُذكر فيها اسم قائلها لعدم رغبته في ذلك
والله الموفق
الخاطرة الـشـعريـة الأولى
في عام 1377هـ سنة زواج البنات الثلاث لصاحب الخاطرة
تكفون ويش فيكم لبيتي تهجرون
رحتوا وتركتوني وحيد لحالي
رقيت أدور وهم مايردون
وإلاي في حلم الليالي الطوالِ
صحيت من نومي تلفت وشلون
وشلون طعناهم ونفتح مجالي
وتكفون ردوهم عليه يشوفون
اللي جرالي عقبهم سم حالي
ما طعت يوم ان الحبايب يعذلون
وقالوا ترى راسك من العقل خالي
ولابد من يوم يجي فيه تبكون
لغيابهم, ورجوعهم لك محالي
ويارب تجعلهم على السعد يقفون
ويالله تجمعنا على حسن حالي
من فقدهم أسهر مع اللي يونون
ويحرم علي الزاد والماء الزلالِ
فقدت لي ريم من البيض مكنون
ربي هداه وزوده بالجمالِ
لولا الحيا وخوفي من الناس يزرون
لازورهم في كل تالي هلالِ
ناس إلى جاء معسر له يعينون
بيت الكرم والجود وأصل الرجالِ
خليك معهم وحبي اللي يحبون
ومن ذمهم عاديه ولو كان غالي
عليك حشمتهم كما الفرض مفروض
صغيرهم وكبيرهم والعيالي