هذه قصه لأميمتي ذاقت فيها الطق من أمها تقول :
كان فيه يوم رحت ألعب مع رفيقاتي في الباطن ولهيت في اللعب ونسيت ماجبت لأمي ماء من البركه علشان تسوي العشاء لأن عشاء الأولين بعد المغرب على طول وبعد ماتذكرت موعد جيبت المويه رحت أركض أجيب مطبخيه علشان أحط فيها المويه لقيت أمي ضايقه علشاني أبطيت عليها وتوزت لي ورا العاير بمكنسة الخوص يوم وايقت عليها خبطتني بمكنسة الخوص ثمن رحت وجبت لها المويه وسوت أمي العشاء اللي هو مرقوق وقامت تشونظ فيه وأنا أخذت شوي من الماء ورشيت بطن البيت وكنست وغسلت هدومها والله الطق جاب نفعه نفع وثمن يوم قعدت تشرهت وصحت وقلت لها :
ياحبني لامي وطقة عصاها ~~ ابكي شوي وانحرف في رضاها
************
* هذه دعوات أميمتي لكم :
الله يجزاكم خير وجعل والديكم في الجنه
ويحرم وجيهكم عن النار .