[عذبة الصفات]

المنيو:

1-مندي الدجاج
2-صينية رز البر
3-شوي دجاج وملحقاته
4-ورق عنب +سلطه مشكله
5-صينية خضار
6-خبز منفوخ (ميني)
7-سوفليه بسيط وسريع
8-سندويشات برقائق المطبق
9-حلى رافايللو
10-كب كيك بالكوفي
11-كب كيك دوار الشمس
12-كب كيك بالمارشميلو
13-كب كيك بالمالتيزرز
14-بسبوسة الشوكلت
15-تشيز كيك
16-حلى كاسات شيك أوي
17-حاقه سهله وسريعه<<من مطبخ ساره بالفلكر
18-حلى اعشاش الاوريو
19-الشكلمه
20-جاتوه ميشو (منها وفيها مطوره)

ــــــــــــــــــــــــــــــــ

((مندي الدجاج))
المقادير:
دجاجه مقطعه ارباع او دجاجه ونص نو بروبلم
بصلتين مفرومه
الرز على حسب المقدار اللي بتسوينه
قرفه عدله او مطحونه انا عني استخدمت مطحونه
ليمون اسود <ماستخدمته لكن للي تبيه تحط براحتها
ملح -رشة كمون -بهارات -رشة آجي-قرون فلفل
كركم-جمر ونص فنجال زيت
واذا بدك نكهه هيل وعويدي (قرنفل)
الطريدزه:
تثقبين الدجاج بسكين او بشوكه ثم يتبل بالملح والكركم والبهارات -بعدين يحمس البصل بشوي زيت ثم تحطين الكمون والملح ثم تصبين عليه المويه طبعا المويه على مقدار الرز اللي بتحطينها بعدين ترشين الاآجي بعدها تحطين الرز بالصينيه وتصبين فوقه المويه اللي سويتيها قبل وبعدها تحطين الفلفل والبهارات العدله والليمون الاسود بعدين تحطين طبقتين من القصدير على الصينيه وتثقبينها بسكين او شوكه وبعدها تجيبين الدجاج المتبل وتصفينه فوق القصدير وتقصدرين الدجاج بطبقه وحده فقط ثم تدخلينه الفرن بالرف الاوسط<<افضل رف لكل شي <دارستها بالكليه
وتخلين النار وسط مدة ساعه تقريبا (انا اخليه ساعه بالتمام ) بعدين اشيل القصدير واخلي الدجاج يتحمر وبعدها تاخذين قطعه من القصدير وتشكلينها على شكل فنجال وتحطينه بوسط الرز وتصبين فيها شوي زيت وتجيبين الجمره وبسسسسرعه تغطينها بالقصدير وتتركينها 3 دقايق هيك عشان يكتسب المندي نكهه حلوه ومشهيه بعدها قدميه لاهلك وحبايبك وهني وعافيه

.................................................. .................

صينية رز البر
اتعب واانا اقول لذيذه طعمها كنك طالعه للبر اخواني يزعجوني فيها دايم اسويها<مداح نفسه خخخ
المقادير:
دجاجه مقطعه ارباع ووممكن تسلقينها نص سلق ربع ساعه بقدر الظغط
بصل مفروم+طماط مفروم+بهارات مشكله وملح وماجي +بهارات عدله هيل وقرنفل وليمون اسود حسب رغبتك + رشة آجي +قليل من الزيت+الرز على حسب المقدار اللي تبين كاسين او اكثر
الطريقه:
طبعا الرز يفضل منقوع بمويه حاره قبل لاتبدين بكل شي -يحمس البصل في شوي من الزيت حتى يذبل ويضاف له البهارات والطماط وتقلب حتى تذبل كلها على نارمتوسطه
توضع هالكشنه في قاع صينيه معدن وسط او الكبيره على حسب مقاسك يصف فوقها الدجاج وقلت قبل يفضل يسلق نص سلق ويوضع فوقه الرز المنقوع بعد تصفيته من المويه بعدها توضع البهارات العدله
بعدين تغلين بقدر (الملح والآجي والمويه وشوي من الزيت)وتسكبينها على الرز واذا عندك موية دجاج من قبل تقدرين تحطينها.
تقصدر الصينيه وتوضع بالفرن مدة ساعه..ووممكن تقلبينها بصحن مربع بعد ماتخلص وبالهنا والعافيه
وتقدرين تستخدمين اللحم طبعا لازم يسلق ساعه كامله بمويه وبصل وكمون ثم تكملين الخطوات نفس ماكتبت ووتشخلين موية اللحم من الشوائب وتحطينها عليه .. وبالعافيه يارب
.................................................. ........

شوي دجاج
طبعا دجاج مقطع ارباع او على حسب ذوقك...يتبل بـ زبادي وملح وبهارات وكمون وغطاء خل ودبس رمان وثوم مطحون وليمون ووممكن تتبلينه قبله بيوم وتخلينه بالثلاجه او تتبلينه قبل موعد الشواء بسويعات وابدي بالشوي وتلذذذي وانطلدزي هع
.................................................. .....................

ورق عنب +سلطه مشكله

ورق العنب:
اي نوع من ورق العنب+الحشوه:كاس رز مصري منقوع+لحم مفروم دجاج وياليت ينغسل ويخلط مع الزر المنقوع ويضاف له بصل وثوم مفرومه فرم ناعم +غطاء خل ودبس رمان وبهارات وملح وماجي وآجي وكزبره مطحونه تقريبا ملعقه وكمون مطحون تخلط هالمقادير مع بعض ويحشى بهاالورق بعدها ترصينه بقدر والفراغ اللي يبقى قشري بطاطس وقطعيه البطاطسه بالنص ورصي به الورق
بعدها جهزي السقوه بخلاط الطماط:كاس مويه او اكثر وحبة ماجي وغطاء خل ودبس رمان وصويا وبهارات وملح وعصير ليمونتين ومعجون طماط طبعا تفرم مع بعض واذا بديتي تسقين الورق ياليت تشخلين السقوه عشان مايجي كتل وتغرقين الورق بها وكل ماجلستي تقريبا ثلث ساعه ارجعي له طبعا على نار هاااادئه عشان ماينحرق وحاولي تقسمين السقوه 3 مرات واآخر سقوه ينضاف له زيت زيتون يعطي لمعه ويحافظ عاللون وبالهنا والعافيه
سلطه مشكله:نفس صورة اللي مع ورق العنب

اي كميه من :خيار+طماطم<<مقطع على حسب ذوقك
+خس+جرجير+قرنبيط <<اعواد طوال
+نص علبة فاصوليا حمرا او على حسب كمية السلطه تحطين العلبه كامله+علبة ذرة صفرا+حمص+زيتون شرايح+علبة تونه مصفاه من الزيت+جزر مبشور او مقطع على حسب رغبتك
تخلط كلها مع بعض وتعصرين عليها ليمون قبل التقديم بشوي وبالهنا والعافيه
.................................................. .................

صينية خضار لذيذه..
عصاج دجاج:دجاج مفروم مغسول بمويه حاره او فيليه مقطع مكعبات صغار يحضر له بصل وثوم مفرومه ومحموسه بشوي زيت ومعجون طماط او طماطه مفرومه تقلب مع بعض لين يذبل البصل واللي معه ويضاف له الملح والبهارات والكمون والكزبره وحبة ماجي وملعقة صويا او على حسب ذوقك ودبس رمان واذا بدك شرايح فلفل رومي وتقلب كلها مع بعض لحين الاستواء
خلصنا من العصاج نجي للخضار:جزر مقطع شرايح+كوسه شرايح+بطاطس شرايح+باذنجان شرايح ويترك اخر شي عشان ماينقلب اسود تقلى وتوضع بمصفاه وتغسل بمويه حاره (لاتنسين التسميه)
عشان ينزل الدهن الزايد منها بعدها تضاف للعصاج وتقلب مع بعض وتقدم وبالهنا والعافيه..
وازا بدك ضيفي الصلصه البيضاء بس انا ماضفتها اللي عندي مايحبونها ثقيله
.................................................. ......