بسم الله الرحمن الرحيم
عندي اليوم لكم طبخه ارجو انها ما تكون مكرره لانه كل من ذاقها عندي داخ من الطعم .........وتغيير الشكل التقليدي لرز
يا الله معاي خطوه خطوه
اولا سمي با الله واذكري الله حتى ربي يسهل عليك الطبخه ويطلع لك فيها نفس غير طبيعي وهاذا الكلام عن تجربه
ثانيا انا ما احب اكتب مقادير بكتب الطريقه على طول ايييييييييييه عجازه سمعتكم
وما اراح اكتب المقادير لان مابي اقيدكم حطوها على حسب عدد الافراد
1)المهم تنقعين رز ابو كاس بعد ما تغسلينه وتنظفينه...وتسلقينه وتحطينه على جنب
2)تسلقين دجاج وتخلينه من العظم وتقطعينه
3)تقطعين بصل وثوم واااااااااااااجد لازم يكون الثوم واجد وتقلينه مع الدجاج في سمنه عشان اطعم وتحطين البهارات والماجي والفلفل الاسود وتخلينه لين ينشف من الماي
4)تحطين في الخلاط كيري وقشطه وبيضه (اسر هنا)
5)تحطين نصف كميه الرز وترصين عليه في قاع الصيني وتحطين الحشوه وبعدين طبقه رز وترصين عليها هاذي الرصه لازم عشان لما تقطعينها تطلع متماسكه
6)وبعدين خلطه الكيري وتدخلينها الفرن وتحمرينها من فوق وتطلعينه وتقطعينه وبا العافيه
على فكره ها الطبخه مرررررررررره مسهله علي الامور لما يجيني ضيوف كل شيء اجهزه بدري واحطه على جنب اذا جا وقت العشا بس ادخلها الفرن
تحياتي