مره كان معنا شروخه من النوع اللي كان يجي منول , و علشان تعرفون قوته , نحطه تحت قوطي و نولعه ثم شوي الين القوطي طاير في السماء , المهم أنا ولعت الشرخ و جدعته , أحتريه يضرب أحتريه , أبطئ , قربت لمه و العيال يقولون لا لا تراه يخدعك ,
ماصبرت , خذته و أرفعته لثمي علشان اطفيه بلساني كان فيه ضو , أنا حطيته على لساني الا و ينفجر في وسط اثمي , مادري وش صرت اشوف زول العيال يركضون مادري وش خافوا منه و الدنيا تضرب و نين في راسي و الفطره هي بس اللي وجهتني لم بيتنا و لا لو جت على دبرتي كان يمكن اروح في حفرة و انا اصيح بونين و سكوت ثمن ونين وسكوت مدري من انا و ليش انا و يني فيه , رحت للبيت و لأمي صياح , ارتاعت الضعيفه و فتحت اثمي و قامت تطلع قرطاس كله دم , تقول بعدين أني اطلع القرطاس و أنا احسب اني اطلع لسانك متقطع . إستانسوا علي و تشمتوا ؟ يالله