كنت راكبه دبا بانا وبنت خالي اهي تسوق وانا وراها متمسكه زين اقولها لاتسرعين واهي تستعرض والمشكلة تسرع قلت وقفي ياويلك ماصدقتني تحسبني امزح طحت من الدباب يمشي واهو يسحبني الين طحت مره جاني خدش بس الحمدلله جت سليمة داخ راسي مادري ويني فيه قلت وين رجلي وينها قالوا وش رجلك قلت قصدي يدي ههههههههههههههههههه يالقلوده حتى أنا قد طحت من الدباب طيحه أليمه هالموقف لما كنت في ثالث ثانوي كنا في سدير مجتمعين في مزرعه وركبت الدباب وكنت مطفوقه طايره ومسرعه في هالدباب كان في ارض مرتفعه شوي كلها تراب ومادريت الا وأنا منقلبه أنا والدباب وطاح فوق رجلي وورمت علي وأنكسرت وتعالي شوفي الصيااح من الالم جلست أصيح مثل الأطفال وكان اقرب مستشفى لنا هو مستشفى الحوطه قالوا مانقدر نجبر الكسر ورحنا للرياض وطول وقتي في السياره أتلوى وحطوا لي جبس يروع لما الركبه وربي حسيت بمعاناه المعاقين الله يدوم علينا الصحه والعافيه ... وعلى قوله أمي ياكثر كسوري لان بعدها بسنه أنكسرت يدي بسبب سياره واحد يبي يسرق شنطتي وسحبني أنا وشنطتي مجرم الله يسامحه لما خذ الشنطه طحت تحت سيارته وياقوي قلبه مشى وكفرات سيارته مرت فوق يدي وتفتت العظم وجلس الجبس فيني 6 شهور جتني الصيحه لما تذكرت الموقف لان عقبه جتني زي الروعه وجدتي كانت تخليني أشرب شي غريب ومخيس طعمه بس نسيت أسمه تقول انه زين للروعه ومن زود الشطانه اذا راحت كبيته بنغير الموجه لما كنت في أولى ابتدائي يقولون اني ذكيه لان ام جيرانا مدرسه وكانت معي عمتي تدرس بس كانت كبيره في المتوسط وانا صعينونه في أولى وكنت ذاك اليوم أصيح اقولهم لهم جيبوا عمتي عندي في الفصل سألتني المدرسه قالت وش تقرب لك فلانه تقصد عمتي قلت لهم تقرب لي بنت جدتي مشوار لو قايله عمتي أسهل و سلامتكم و الله يبارك باللي حطت هالمتصفح نتذكر فيه غِبراتنا و حوستنا في ذيك التربات و يبارك باللي يشارك و اللي يبي يشارك اي والله ياحلو الذكريات وحوسه الطفوله يالله كل واحد يعصر مخه ويجيب لنا مواقف طفوليه ^_^ احتياج يالبى قلبك انت مثلي ياكثر ماأسوي نفسي تعبانه في المدرسه عشان اهج من الحصه مره لما كنت في ثالث متوسط في حصه الانجليزي كنت جوعانه ماتفسحت وبطني يصفر من الجوع قلت لصديقتي خلينا ناكل وهي كان معها مارس وانا معي مالتيزر ذاك الكور الشكولاته واخذحبه واكلها والمعلمه تشرح اذا لفت تكتب ع السبوره انا وصديقتي ناكل المهم كنت أكل وتوني حاطه هالكوره في فمي مادريت الا الممعلمه قالت يافلانه قومي أقري من الروعه بلعت كوره الشوكلاته بس مانزلت نشبت في حلقي وطلع شكلي وعنوني مثل هالفيس انقطع التنفس مادريت الا صديقتي تطقني بقوه مع ظهري لما نقزت الكوره وطلعت وانواع الاحراج عند المعلمه ماقلت لكم ياكثر مواقفي بس بكتفي بهذا القدر
آللهم إجعلنآ ممن يدخلهآ من دون عذآب ولآ حسآب ولا عقآب