[لواء العز]

مرثية كتبها والدي في شقيقي وحبيبي سلطان رحمة الله عليه

[poem=font="Arabic Transparent,5,blue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ألا يا قصيدي كيف سلطان ما نبكيه=ونكتب قصيدٍ فيه من دم شرياني
وبجر صوتٍ كل من حولنا يوحيه=بصوتٍ يهز جبال ويهد الأركاني
وبقول يا سلطان صوتك ترى موحيه=تقطع بك الآمال يا طير حوراني
وألا يا وجودي وجد من شيعوا غاليه=على سلماً شالوه من فوق الأمتاني
وصلوا عليه وقالوا الله يعوض فيه=وهلوا عليه تراب مع دمع الأعياني
وصكوا عليه الناس كلٍ يعزي فيه=جموع من القاصين واللي من الداني
ويا جرح قلبي جرح يصعب على مداويه=صعيبٍ دواه شهور وسنين وأزماني
ويا حرق كبدي حرق زوداً على ما فيه=وزودٍ على ما فيه جاء حرقتٍ ثاني
على طيري اللي من زماناً وأنا راجيه=بعد ضفن الجنحان روح وخلاني
تقطع سبوقه بعد ما ربي اعطانيه=تسارع به الآجال وتخيم أحزاني
و يا زرعي اللي كل يومٍ وأنا مسقيه=تطاير به الأرياح من وسط بستاني
بعد ما قرب حصده ولآني مفاجئ فيه= بيوم كئيب وفيه روغات الأذهاني
ويا الله ياللي ترسل الروح يا معطيه=بعزة جنابك صايرٍ ضيف وجناني
ومثواه للجنة عسى النار ما تجيه=برحمتك ياللي خالق الطينة أنساني
ألا يا ولي الكون من حرها تنجيه=وتأملا عليه القبر روحن وريحاني
[/poem]