من قبل ترحل عن حياتي بوادعك
ياللي عشانه كل هم وطاني
مادامه المحتوم بني افارقك
ودي تقول وتكشف اللي خفاني
دامك تبي الفرقا علامه مدامعك ؟؟!!
تذرف من العينين حزن واماني
قال ابخضوع يكسفك من ملامحك
في غضن وجهن زاهرن بالمعاني
قال العواذل غاصبيني بتركتك
ولو هو بيدي والله مبعد ثواني
قربك سعاده والشدايد تبينك
وانا اشهدنك مالك اليوم ثاني
قلت اترك الدمعات واقضب حناجرك
واحمل متاعك واترك اللي اتاني
يحفظك ربٍ بسمه اني اوادعك
من شر انس الكون او شر جاني
واقفى ودمعاته تهز بمشاعرك
واقفى وروحي من بعاده تعاني
وسلامتكم