وانا اقلب الورق
غرق دمعي على صورة
وانا دمعي بالحيل ثقيل
وش شفت ؟
شفت الوفاء
والاحاسيس المألمة
شفت قصة بالتفاصيل
من نظرة محزنة
وشفت ان للحنين وجع
يرسم ملامحة
على عمر بلغ عتيا
وتحسب هالعمر يعدي
بمزاجي واتركه ؟
وشفت ذكرى مدمية
للقلب رافض يتحمله
مالوم دمعك لو هل
هله بشويش واحكمة
شفت بقايا ورث
رافض قلبي يجمعة
شفت طهر وبساطة وصدق
وامنية اردد
ليتني من قبل عرفتها
لجل احظى بنور
من ملامح وجهها
وشفت قبرٍ
ياجعله برد وسلام وسعادة
وشفت مملكتها
بيت بيت
يانورة اتعبتي قلوب من بعدك
وانا سهل علي انثر حرفي
نثرتيه مادري من يلملمها
الله يغفر لك ويرحمك
وقلوبنا الله يجبر كسرها
.
انا رجعت لبداية صفحة اخونا القدير عبدالعزيز العمران
كنت بشوف شيء وانا اقرا اشوف شي ماقريته فعلا ولانزلت شكر
واهو يعرف السبب وذكرته سابقا
واكمل اقرا وادخل الصفحة الثانية واشوف هالصور وانا مستغربة وش هالصور؟؟
شفت صورة والده الله يطول بعمره على طاعته يارب واهو ماسك جريدة
اثرت فيني كانه يشوف خبر وفاة زوجته الله يكنها الفردوس الاعلى
جا بخاطري لانه كبير فالسن
وشفت الوفاء الي ولده عشرة العمر ماشاء الله
و شفت صورة لاغراضها
واندفعت وكتبت
والله يسكنها الفردوس الاعلى يارب
,