[إحتيآج]

ليتني [ أعمى ] و اشوف الحق شوف القلب ما هو بالعيون
العمى بالقلب ، ولاّ العين كم شافت // ولا شافت حقيقه !!

كم تمنيت الحياة [ انفاس حرٍ ] تاه من خلف السجون ..
لنّ هذا الصدر عاجز لو يحدّد بالفضا من هو رفيقه ؟!!

هو صحيح انّ الفضا محتاج لحن الطير من فوق الغصون ؟
لجل يتنفس : (صباح الخير ) لو صبح الامل طافي بريقه ؟!

مختنق هذا الصدر من همهمة بعض الاغاني و اللحون ،
ياااه كم في داخلي من [ فوضوية ] مالها نهج و طريقة !!

ودي انسى في حياتي من أكون و يا ترى [ انت ] شتكون ؟!
ودي انسى من أنا ! .. لجل انصف احلام السنين المستضيقه ..

ودي اجرح ، ودي اكذب ، ودي اجفى ، ودي اغتاب و أخون
ودي اظلم ، مثل اي انسان عادي ، ودي انسى لو دقيقه !!

الخطا لو كنت وافي في حياتك ، والصحيح : انك تخووون !
لجل تمنع جمهرة بعض الوجيه الي تناظر بك طفيقه .. !

ليتني [ أعمى ] و اشوفك في خيالي زي ما ودي تكون ..
ما بغيتك غير [ قلب ] يضمني له من وساويس الخليقه !!

صدقيني الحب : همسة شوق / لمسة ذوق / و احساس و جنون
وش لقينا مـ العيون الا الدموع الي بها الذكرى غريقه ؟!

ما ذبح هـ الروح غير الانتظار القاتل و سود الظنون ،
وش هو يعني لو اشوفك كان قلبك ما حمل للحب [ ضيقه ] ؟!!

كان لك يا عيون قيمة ، ما يودّعني و انتم تنظرون !!
و كان ما ارضى في رحيل الي بخدّه مزدحم ورد الحديقه !!

خلني أعمى / ولكن أملك الي عمركم ما تملكون /
النظر بعضه يشب بصاحبه من شوفة العالم [ حريقه ] !!

و الظلام الي ذبحكم [ نور ] في صدر العمَى لو تدركون ..
كلما زاد الظلام / اشعلت في جوف الصدر [ شمعة حقيقه ] !!