يالله طلبتك عظيمٍ ثبت أعمالي
لا رحت في حفرة مالي أحد فيها
أنت العظيم تلطف بالأحوالي
ياعالم بالضماير ويش تخفيها
كل النعم منك يارحمن ياوالي
كل النعم منك منهو الي بيحصيها
من يوم أنا نطفةٍ في الرحم منزالي
بأمرك تكونت مضغة يامسويها
ثم إكتمل خلقتي من حال في حالي
حتى الولادة وعينك لك تراعيها
من بعدها طفل حافي عاري خافي
جائع وظامي ونفسي مابغبيها
في مرحلة ضعف منك اللطف مازالي
حتى إكتمل قوتيٍ والنفس تحميها
والحمد لك ياإلهي قدر وإجلالي
مسلم موحد صلاتي لك نصليها
العفو منك عن التقصير بأعمالي
يارب توبة ونفسي لا تعنيها
يارب تحسن ختامي يوم الأهوالي
يوم القيامة وكل الخلق تحصيها
يارب في جنة الفردوس منزالي
دار الكرامه ورب الكون بانيها