كنت انتظر جيتك بالأمس وماجيـت
.......................ابـطـيـت علي واجـد وش هالتغلي
طال انتظاري يوم تأخرت ومشـيت
.......................كـنـت فارشه دربك ورودٍ وزلّـي
قـلـت الـقوي الله ابي اصبر ومـلّـيت
.......................والناس تطالعني وقمت من محلّي
الله يـسـامحك ليه ما أشرت ونـاديت
.......................اجـي عـلـى شـانك ويـتبعك ضلّي
رجعت ثـانـي عـقـب مـانـي تـعديت
.......................نـقـطـة تـواصـلنا قلت ارجع لـعلّي
اشوف زول اللـي على الوعد ياليت
.......................اشـوف زول اللـي بـكلامه يـسلّي
وفي لحضةٍ شفتـه قـمـت وتـبـاهـيـت
.......................ومـسـكـت يـمـينه ياعلّها ما تـشلّي
ومشيت انا وياه الى وجـهـة الـبـيـت
.......................واشـوف نـور البدر بوجهه يطلّي
ومن فرحتي وشوقي دلهت وسجيت
.......................عن موعد الرحله وقمت له اهلـّي
هـذا تـرى حـلمـ(ن) حـلـمـتـه وفـزّيت
.......................ودارت بي الدنيا و تـذكـرت خـلّي
الله يسامحك كلما اصبحت وامـسـيت
.......................دعـيـت لـك ربـي بـمـلـيون حلّي