أنثر همومي على أنغام الوتر
وأكتب آهآتي من حال السنين
تايه وضيعت انا والله قهـر
لا حبيب يحن ولا حتى عوين
قالها واحد تحدوه البشـر
يشكي الفرقا على ذاك الضنين
من لقى الدنيا حياته في كدر
ينتهي ليله وهو يبكي حزين
ان تعدى مشكله طاح بخطر
ساهرٍ"ن" يبكي مع همه سجين
يشتكي من قل حظه والقهر
لعبة الأيام ما فيها حنين
يكتب الآهآت بجدار العمر
والعمر يمضي وتسمع له ونين
ما كتب قافه تباهي أو فخر
يكتبه من هم في صدره دفين
ينتظر أخبار ما جاه الخبر
عن حبيبه راح ما يدري لوين؟
كل ما وجَّه عيونه بالنظر
شاف همه واقفٍ"ن" بين اليدين
يعني هذا الآدمي بالمختصر
عاش عمره بس يعرف حاجتين
شَكْوّته لليل وهموم السهر
والمدامع فوق خده نازلين
شاب راسه والعمر فيه اندمر
دايمٍ"ن" يدعي ويصرخ يا مُعين
قادر تبـدل حياته لليـسر
يا إلاهي يا معين الصابرين
يا رفيقي انتبه وأخذ الحذر
لا تفكر لا يسار ولا يمين
لعبة الأيام وأنغام الوتر..
ناس تسهر والخلايق نايمين