لك كم سـنه تسأل وانا اقول بعدين
لاعاد تسالني عن اسباب هالصمت !!
بيني وبين الصمت عشرة من سنين
واخاف اخون الصمت لامن تكلمت !!
بعض الحكي يوجع ولوكان حرفين
وش ينفعك لا من حكيت وتندمـت !!
واجد جـروحي بس والله غاليـن
من كثر ما اغليهم الا شفتهم قمـت !!
جرحي ليا اقبل قلت ياجرحي اهلين
معروف اني من عذابها تعـلمـت !!
وإلا زماني لوضحك عارفه زين
ماهوب يبطي لو بوجها تبسمـت !!
لاعاد اجل تطرح عليه سؤالـين
( وش فيك ماتضحك ..ووش فيك مانمت ! )