انا رقم واحد حاطه نفسي مؤدبه مره
لما تبدا المعلمه تكتب
على السبوره
اقعد اسوي حركات يموتون من الضحك
وانا ساكته كاني ماسويت شيئ
وتطيح المعلمه فيهم هوش ويشرون علي ويقولون هي الي سوت حركات تضحكنا
طبعا ماصدقتهم البنت جالسه مؤدبه حتى الابتسامه مفقوده
الا مرة صادتني حتى هي ماتت من الضحك وطلعت من الفصل
وبعدين رجعت لمي وورتني نجوم الضحى
لكن ما فاد زدت الصاع صاعين صرت اعند من اول وفن امها تصيدني
بس في الاخير رحمت البنات وما عاد اسوي شيئ لهم
لفيت على المدرسه نفسها الي وبختني
مره احط لها دبوس على الكرسي ومره احط ذيك البلونه الي تطلع صوت اظن تعرفونها ام الفشايل
ومره ابشر طبشور على الكرسي
واخر مره وهي الاخيره الي ريحتني كسرت رجل الكرسي
ويوم قعدة طاحت ومتنى من الضحك وعاقبتنا حصه كامله واقفين
قصصي كثيره بس مااذكر الا هاذول