[ابراهيم المغامس]

مادامك تبغي ابعادي .. وش اللي يالغلا جابك ؟!

وش اللي قرب ارجولك لداري وانت رحاله ..

اذا قصدك تبي تقهر .. خفوقن مات بغيابك ..!

ابد حياك ماباقي .. شعورٍ تقطع اوصاله ..

طلبت الوصل لاكنك عنيد .. ومايق بذاتك ..!

تناسيت الذي منك .. يذوق المر واهواله ..

اباري فالهوى صحراك .. واجاري فالهوى اهضابك .،

واجاري وحدتي وياك .. بدمعٍ هل هماله ..

تبي ترحل ابد ارحل .. ولاني طالب اوصالك ..

تعبت احمل سكاكينك وصدري ماسطى احماله

ونصيحه قبل لاارحل .. واقفل باقي ابوابك ..

ابي تفهم وتستوعب ... كلامٍ خافقي شاله ..

مرد الوقت يثبتلك .. من الصادق من اقرابك ..

ومردك تكتشف بنه .. صدوق ابكل ماقاله ..!

القصيدة صوتية :
http://goo.gl/asjpb