نزعل ونتكبّــر وحنا من الطيـــن
والكل منا صــــدّ لا أقبل خويّــه
نفخر نقول إناعلى الصد قاوين
وهــــيّ علينا في الحقيقـــــة قــــويه
نشفق على الطيبة و كسب الكريمين
وهذي بنا لاشك فعــــلة رديـــــــــه
ننسى نهايتنا وعلى وين ماشيــــن
وننسى الزمان اللي جمعنا ســـــــويه
المشكـــلة ماهي بـ حاجة لــ تخمـــين
ولاهي بعد ياناس صعبـــــة القضيـــه
دق الرقم : كيفـك هلـا فيـك وأهليــن
أنــا الخـــوي اللـي مـــــزعّــل خويــــه
قلّه : تغيب وصـــورتك داخل العين
ويبقــى لـ حبك في خفـــوقي بقيـــــــــه
أخوان حنا لويجي بيننا شيــن
و مانفتـــــــــــرق دام المحبـــــــة نديــــه
خلك قــوي لاتحتــــكرك الشياطين
قبل الفوات وقبل وقت المنيـــــــــــــه
كلّم خويــك بـــ اطيب الهرج واللين
وأعرف جميل الهرج يمســــح رديـــــــه
باكـــر تمـــر سنــــين وسنـــين وسنيـــــن
والــــــكل يرحـــــــل في الدروب المـــــديـه
دنـــيا غريبــــة وأكـثـــر النـــاس ماشيـــن
وكــم صــــاحبٍ والله دفــنتــــه بــ يديـــــه