ياشين حكي اسمعه مافيه طاريك
لاشك اداري ضيقتي عند الاحباب
وان طالت الجلسه ومحد حكا فيك
تروح لك كل المشاعر بلا حساب
واعيد اذكرهم بسالف لياليك
قصدي اجيب لسيرتك عندي اسباب
وان كان احد خصني بهرجة فيك
فزيت مثل الي من الذنب مرتاب
محد درى عن نفسي الي تخفيك
اخاف من كلمة مثل ليه الاسباب؟
ماعاد يسعدني ابد غير طاريك
ولاعاد غيرك صار للقلب جذاب
اضحك على دمعي على شان اداريك
اخشى دموعي تكتشفني للأصحاب
يازينها عزلة تجيبك وانا اجيك
ولا اجتماع يجتمع فيه الاحباب