[بنت الاصول]

لا يابعد دمعٍ ذرفته بفرقاك
عليك شوف اقصى المعاليق تومي .
. من قالْ لِك لاغبت عني أبنساك
خطرٍ علي لاشق عقبك هدومي .
. قلّطتك بقلبي وقلت ألف حياك
منزلك هذا حالفه ماتقومي .
. وقهويتك بدم الغلا وقلت يفداك
اقدع بعرقي لو عشانك أصومي .
. لبيه لو اجرع طعونك وبلواك
لبيه لو طير المفارق يحومي .
. لبيه لو تفنا حياتي بذكراك
لبيه لو خارت قواي وعزومي .
. جابتني الاقدار لي حد مرساك
وخلتني افبحر التوجد أعومي .
. واشغلت دنياي الكريمه بدنياك
واحرمت عيني بالهوى حلو نومي .
. ببقا على حبك لو الوصل ينعاك
يكفيني طيفك لا عَرَض في حلومي .
. عهدٍ على قلبٍ من الشوق ناداك
ما انساك لو انسا ربوعي وقومي .