في يوم خمسة وعشرين المواطن ثري
.وفي يوم سته وعشرين المواطن فقير
اذا نزل راتـبــه يـصـبـح فـصـيــح وجــري
وبعد ماينتـهـي يـغـدي ضـعـيـف وأسيـر
تسعه وعشرين يوم وعظم ساقه طري
وفي يوم واحد يعيش وعظم ساقه جبير
بين المـتـاجـر بـبـاقـي راتـبـه يـشـتـري
مستلزمات الشهـر ان كـان حـظـه كبـيـر
لأجل ان دخله من اقساط العنى مهتري
البنك في كـل راتـب صـار صـنـو وخـشـيـر
لو سدد الـكـهـربـاء فـالـهـاتـف المـفـتـري
يقطع خطوط اتـصـالـه دون مـايـسـتـشـيـر
مسكـين دايـم يـقـاوم حـظـه الـعـنـصـري
.مابـيـن سـطـوة ظـروف وبـيــن غـفـلـة وزيـر
اذا نـظـر فـوق يـلـقـى الـظـالـم الـمـزدري
.ولـــو نـظـر تـحـت يـفـلـح نـاظـره بـالـهـجـيـر
ورغم الفقر ماتباعـد كـوكـب الـمـشـتـري
يحيى الكرامه لو الـفـرشـه بـقـايـا حـصـيـر
لاتـشكـي الـظـلم والظالم يرى انه بري
لاتــكـتسـي لكن انـظـر لابـسـيـن الـحـريـر
هذي معاناتي اللي غـيـرت مـظـهـري
صرخة مواطن وفين أهل الذمـم والـضـميـر
لو راقبوا دخـلـنـا يـومـيـن بالـمـجـهـري
تـأكـدوا ان وضـع أهـل الـــرواتـب خـطـيـر
نظره لمن حولكم يالابـسـيـن الـزري
.قـدام نـوقـف بـيـوم مـالـنـا بـه مـجـيـــــــر
فيه الصحايف على وجه الملا تنثري
في حينها يشعر الظالم بـسـوء الـمـصـيـر