لاتلوم القلب ياللي له تلوم
منجرح والجرح في وسطه اليم
من سبب شي ن امام العين دوم
المنافق صايرن شبه الزعيم
المصيبه قايدن بالكذب قوم
وقلبه اسود والحسد وسطه مقيم
حاسد الطيب على طيب العلوم
ودايمن للطيب ابطبعه خصيم
حاسد الطيب وفي هرجه ضلوم
ولاهو الطيب من السانه سليم
بالكلام الكذب معلن للهجوم
ماشي ن له درب ماهوب مستقيم
ويتحايل الخلايق كل يوم
ومن مشى في سكته يصبح نديم
من مشى في سكته صار امحكوم
ابمساره من سبايب اللئيم
الردي في هالزمن اصبح يعوم
في عميق البحر وعايش في نعيم
كنه اللي ابسط سوق وبه يسوم
وتنقبل سومته والبايع غشيم
وصار وضع الطيب إلهمه كتوم
وصار وقته ماهو له وقتن رحيم
شايلن بالقلب طعنات السهوم
منجرح ساكت ولاحدن به عليم
مثل حرن طاح وعيا لايقوم
مثل حرن من عنا وقته سقيم
والطيور الجارحه فوقه تحوم
واصبحت دنياه كالليل العتيم
هالزمن كن الصقر به صار بوم
ووقتنا الحالي ماهوب مثل القديم