حال النوى بيني وبيـن المحبيـن
والبعـد زود علـتـي عزتـالـي
بعـدك يعذبنـي وقربـك يسليـن
ضيعت قلبي يـا حلـي الغزالـي
قلبي يحن وهل دمعي مـن البيـن
رغم البطى والبعد مانـي بسالـي
الحب عذبنـي وعـذب كثيريـن
مانيب أنا الاول و لانـيب تالـي
اشغلت قلبي وانت سالي وناسيـن
ياليتي ادري ويش قلبـك نوالـي
قلوبنا من جملة الغـش صافيـن
اصفى من العد القـراح الزلالـي
الحي لابده يجي لـو بعـد حيـن
وش عاد لو صارت سنين وليالي
اهل الهوى دايـم تراهـم ذليليـن
وانـا تخوفنـي جهامـه ظلالـي
واختم جوابي وابقى القلب تأميـن
وانت الوكيل بسـر قلبـي بدالـي