قالت آحبك قلت... كذآبه
... قالت وربي ..... قلت آمنت باللّه؟
قالت وقعت .. قلت كان انتبهتي!
... قالت قليبي ..... قلت أتحمل خطاه؟
قالت جروحي .. قلت ليه انجرحتي؟!
... قالت صدودك ....... قلت قلبي وماجاه؟
قالت عذابي .. قلت يومك كذبتي
... قالت ظروفي ... قلت كلن وليلاه؟!
قالت توادع؟! .. قلت كأنك سمحتي
... قالت ترخصنا؟! .... قلت غالي وماغلاه .!
قالت أهجرك .. قلت كأنك اقتنعتي
... قالت وحبي؟! .. قلت يوم كنت سلواه؟
قالت معاند .. قلت توك عرفتي
... قالت بتخسر .. قلت وش اللي كسبناه؟؟
قالت مخادع .. قلت لا ماصدقتي
... قالت اناني! .. قلت مبدأ رفضناه؟
قالت كتبت .. قلت وش كتبتي؟!!
... قالت فراقك!! .. قلت وقّعت أدناه!!
قالت ظليمه .. قلت قاضي وحكمتي!
... قالت ظلمتك. .. قلت الحمد للّه