[رحّال]

[poem=font="Arial,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ابشر و جيتك على مبنى بنينا=و الطواري لي يجي معها طواري
ذاك وقت به عبرنا و به سلينا=يوم قلبي مع قلوبٍ له تداري
هكذا الدنيا و لو حنا درينا=ما كبرنا مير دربٍ له مساري
كم تعلمنا و كم شفنا وْ قرينا=جاهلٍ جاب العلوم و خاب قاري
يوم امر الدار تشكي ما شكينا=يا صدى الضحكات في صبح و غداري
كم حنينٍ شالت الروح و بكينا=للزمان اللي مضى فيها مواري
يا دروبٍ في معالمها غدينا=ابحر الربان في ذات الصواري
و المواني بين بعنا و اشترينا=و المراسي بين مدٍ و انحساري
يا جفاها و الوصل غالي علينا=و العواذل طبعها طبع الصحاري
السراب التيه و الخطوة مشينا=و الطريق اشواك و حظوظي عذاري
ما ذخرنا شي لعيونه عطينا=و العطا مردود و الطبع التجاري
إن ضحكنا قالت الغادة علينا=و إن زعلنا قال يا المقفي حذاري
[/poem]