قالو تحب سدير..قلت إيه أحبـه
وأحب بعد عمرٍ طويل اندفن فيـه
وازعل إلى من شفت شخصً يسبه
وأحاججه بالقول وان زاد ننبيـه
سدير للشاكـي مـن الهم..طبـه
عما جراله فـي زمانـه يداويـه
وسدير للـي ظيـم وقتـه لعبـه
يبعده عن ظيم الليالـي ويغنيـه
والظيف لاجا سديـر كـلٍ ينبـه
كلٍ يقول الظيف عندي واناابيـه
لو الكرم مزروع في جوف غبـه
ما قال راعي سديركلفٍ ولابيـه
في سدير فنجال الكرم..دوم صبه
هذي الحقيقة راعي سدير راعيـه
زوداً على ذا..سدير يكفي مهبـه
لو ينجلب فالسـوق والله لشريـه
وماهوب أنا اللي بس ها يم بحبه
سدير..لأهل سدير محداً يضاهيه