[وَدْقْ ,]

خلوني أقولكم شيء بيني وبينكم ,
طبعاً طموحآتي مآتحققت واسبب أمي ضدهآ وبقوة
جيت لمهآ من كم شهر وأنآ مفكره في موضوع ودارسته وخالصه منه مره بس انتظر اشاره من اهلي وأحط رجلي
قلت لها شوفي اول شيء تعوذي من ابليس بقولك وش بسوي
قالت : وش عندك
قلت : كل خير قلت شوفي في مدينة الجبيل شركاتها يوجد قسمين رجال ونساء طبعا الشركة اذا قبلت فيك تسفرك على حسابها وتهيئك لعملية الشغل وكيف تديره وتاخذ لغه وطبعا هذي يديرها مجموعة من النساء واذا على طاري محرم بكون زي المعلمات الي يروحون ويجون من الرياض .
قالت : أنتي صآحية ؟؟
انا : هههههههه ضحكت قلت أكيد لآزم يامام نتفتح لو شوي الى متى هذا الانغلاق انا ادري ان طموحي اكبر من تقبلكم للموضوع بس انا وش اسوي اذا انا انسانه اقدر الشغل واجد نفسي هنا خلاص ليه لا وكل شيء بضمان مو لعبه وفوضى
قالت : الحمدلله والشكر إحمدي ربك على النعمة والعافية
انا : بقبقت عيوني شوي قلت اللحين وش جاب لجاب خلينا في موضوعنا ؛ خلاص انا كبرت ومسؤوله عن نفسي ترى هذا بر فيني اشاوركم واخذ رايكم ولا المفترض اخذ شنطتي وأهج
انتي ماتشوفين بنات الحجز كلش عندهم سهاله الا احنا ليه ليه
قالت : الباب مهجوج ماسكرناه روحي
قلت : يعني عندك علم إني بهج زين اذا صحيتي من النوم ولاحصلتيني وش بتسوين ؟
قالت : اموت
قلت : بعد عمر طويل وبعيد الشر مفترض عادي تكون نفسيتك لاني حاطه عندك علم اني بنحاش
قالت : انتي صاحيه ولافيك قل صح ولا وشو ؟؟
قلت: مشكلتنا ان افكرنا غير قابل لتمدد لجل كذا تتقوقع أكثر وهذا مو شيء طيب خصوصا كون في بنت عندك مثلي لازم نتغير اذا انتي تشوفين هذا الشيء صعب لانك انتي في قرارة نفسك أي شيء يتطور مستحيل ولاعاد لادخلنا الدين شيء ثاني ؛انا اشوفه لا لان الجيل يختلف فكراً ونفسيا وكل شيء
قالت : انهبلتي اشوف
قلت : شفتي .. المهم الموضوع ترى تام انا بروح اتوظف في شركة مو حاله هذي كلما قلت شيء قلتي لا ترى المفترض اني منحاشه بس سبحان الله مادري وش الي يلدني
قالت : انتي مادري وش بيصير وضعك بعدين على هذا الفكر كله
قلت : ادري وش بتقولين وش يدور في بالك عادي قضاء وقدر ولاجديد وعزيني
... ومازال طموحي معلق على حساب ملف علاقي أخضر وشكراً .




.
.

مآيستفآد :
1-اذا في راسكم شيء سووه خلوكم قويين وعاد الله الله بالسنع خذوني معكم ماحللك كنترول كرر
2-في أحد بيخآويني < تسوي سفر خيالي الان انا في مكتبي وفاتحة على منتدى سدير اكتب مذكرة
3-أمي للأسف تشوف فيني قل صح ومازالت .
4-ترى مو كل طموح تعبرون عنه لان مجد التعبير كانه تحقق وتقاعدت
5-الفلسفة مع الوالدين خصوصا هذي المواضيع لو تتكلم باات قران واحاديث يشوفونك نطفة
6-الملف العلاقي بليته وشربت مويته مو الشهادة وبس
7-الا يقولون تحول لونه وردي تباً لهم أين عنصرية الزعيم ؟؟ < برا

اتمنى استمتعتوا انطلقوا الآن ,

,