[صـــويب]

يعيطك العافيه أبو إبراهيم

اهل القصيم يالله من فضلك ما عندهم تفاهم ، طالع التعليقات

ماشاء الله نظام ساهر ماقصر بشعبنا المغلوب على امرهـ
وكل يوم طالع اختراع بخاخ قالو ماينفعش كريم قالو كمآن ماينفعش وراوهـ لن المشكله بوهـ شريحه باللوحه هي الي تتغازل مع نظام ساهر واخر غزلهم قسيمه تنتظر السداد
ولكن ماعلينا انا طرت في بالي حركه يانها راح يحل المشكله او انه راح ينكبكم

طبعا بما ان الشريحه الي في الوحه اكيد شريحه الكترونيه صح طيب ياحلوين الحين اي شي الكتروني اذا جته دفعه قوويه من الكهرب وش يصير فيه اكيد يحترق لنه مايتحمل طيب نجي للاختراع
لو فكينا اللوحه وجبنا الاشتراك وشبكناهـ بالبطاريه ثم شبكناهـ باللوحه لمدهـ 5 الي 10 ثواني تتوقعون انها راح تحرق الشريحه الي باللوحه او احد قد جربها من قبل

وهذي الفكرهـ ترانن ماجربتها لنها تو طرت علي بالدوام وعاد تسان بوهـ احد يبي يجرب ويعلمن نكون له من الشاكرين

-----------------------

وراااه ماتجرب أنت .. اول ..

وعلى فكره مادام أنك مجرب مجرب .. بطارية السياره ضعيفه .. أشبكها على 220 وشوف .. ..

---------------

اخاف تتفحم اللووحه

----------------

يمكن تنور الأرقام والحروف ههههههههه

-----------

يا اخوان انتم مصدقين انه به شريحه في اللوحه ياعمي الله يرحم والديكم ما به شي

يا اخوان غبروووو مواتركم من المطر لين تتغطى اللوحه الخلفية

وعليكم بالمشي ورااا التريلات لين تمحي اللوحة الامامية

وخلوووووووووو ساهر ينفع ابو (مطره) قصدي شراره

------------

دامها على الشريحة فك اللوحة وجبلك مسمار ودقتين وانتهينا
اي كهرباء << انت تدرس كهرباء آخوي

--------------

^^^^^^^^^^^^^^^^^^

ههههههههههههههههههههههه

طيب اذا اللوحه كانت حديد كيف بتوصل سالب مع موجب

--------------

أنتبه تشبك الشريحه بالكهرب وتخرف وتصير تمشي 120 وتعطي عند نظام ساهر220 تضرب الفيوزات
هههههههههههه

-------------

بصراحه مالها عجزنا نعرف
هي معلومات ولا تصوير؟

------------------

طيب مادام المشكله باللوحة غيرها

رح لم اي خطاط وخاله يضبطلك لوحة جديدة

---------------

طيب وين مكان الشريحه الي ف اللوحه عشان اوريها شغلها هذا اذا فيه شريحه

-----------

الأفضل ( لو تعـرضت الشريحه ) لـ قوة مغنااطيس كبيره .. راح تأثر على المعلومات اللي فيها .. طبعا أتوقع مو أكيــد ..

------------

هههههههه فكره رائعه
لو تحط على الشريحه مغناطيس خربت على طول

---------------

في امريكا يحطو اللوحه في المكيرويف

--------------

طيب سااهر مدري ساارق يلقط اللوحه الاماااميه ولا الخلفيه ولا بوث اوف ذيم

----------

والله من ناحيتي .. موب مصدق ان فيه شريحه في اللوحه ...

مثل ما احنا مصدقين ان نظام ساهر عشان سلامتنا

------------

فكرة خلوة مرة ههههه بس المهم هل بها شريحة ؟؟؟!!!!
اذا ما فيها شرية هنا ايش كيف تلقطها الكاميره طيب
ممكن يصير من الكتابة السوداء اي الصبغة
معضم اللوحات الجديد لون الارقام والحروف غريب شوي
الللوحات لالوله تمسح بسرعه اما الجديده ما تمسح وبعدين
فيها الكتابات واهي بالاصل عاكس مسوي جبت شي جديد ههههه
انا بحاول اصبغها لون اسود واشوف هل تلقطني او لا

---------

شباب جبتو فيني العيد جربتها وطفا كهرب البيت وجاني هواش من امي تقول ناوي تذبح نفسك انت

أهم شي اليوم الظهر سألت واحد يقرب لي بالمرور يقولي انت خبل قلت يابن الحلال نبي نفتك قالي لو تنقزون ماقدرتو تسون شي لانه تصور السياره كامله واللوحه والسائق وكل شي يقول مخطور يصورون بطن السياره اهم شي جلس يضحك علي يوم قلت له اني شبكت كهرب باللوحه يقول احمد ربك ماذبحك الكهرب ولا كان مصلين عليك العصر

اهم شي شباب وش اسوي اصبع يدي صاير متصلب شوي عقب الكهرب انا خبل اجرب كل شي

------------------

تعرضت كميرا ساهر الثابته الواقعة في طريق بريدة - عنيزة مساء أمس إلى أحتراق من قبل مجهول وهرب من مسرح الحادثه مباشرة , حيث تم أخماد الحريق من قبل المواطنين بمشاركة فرق الدفاع المدني , وقد تضررت أجهزة الرصد بالكامل جراء الأحتراق ولايوجد مصابين ولله الحمد.
من جانبه , أكد لـ" أنباء القصيم " الناطق الرسمي في شرطة المنطقة العقيد فهد الهبدان صحة الحادثة , مشيراً أن شرطة مركز شرطة بريدة الجنوبي باشر مسرح الحادث لكميرا ساهر بعد تعرضها للاحتراق كما انتقل خبراء الادلة الجنائية الحادثة ومازال التحقيق جاري.

فيماً أتصلت" أنباء القصيم " على مدير مرور المنطقة العقيد محمد المزيني لكن لم يرد على الأتصال.