في مكان الانتظار بالمستشفى اجاركم الله شفت وسمعت
من قالت وليدي تذكرت انا امي
...............اقبل ولدها سمعها قال لبيه
اخذ يقبل راسها ايقول سمي
........مابين حاضروابشري تربت يديه
تجلس على كرسي مريضه تسمي
............اقفابها والله على البر يجزيه
اقفا وانا شاكي على الله همي
........ياليت كلن شاف ماشفت واعنيه
احد عطى قافيه لامه يالامي
.........انا عجل مشغول واعيونها فيه
ياحاجة العازة على حد علمي
..........ابطا عليها قالوا اعقوبته ليه
لا ياخلف جدي وابوي وعمي
.............ياميمتي غلطان تكفين دليه
اقدمك الجنة ياعساها تتمي
.........ادعي لمن صخره ربي وهاديه