لا تزعلين تضيق فيني الوسيعـه
لا تزعلين اظـن مافيـه داعـي
لك بالوفا يا نور عينـي طبيعـه
مير ادمحى الزلات روفي وراعي
الخل مايرضـى لخلـه هزيعـه
عن الطمان ينزلـه بالرفاعـي
نشري رضاك وخاطرك ما نبيعه
حبك هوى نفسي وشوفك متاعي
امرك يلبيه الخفـوق ويطيعـه
لوفي حلاة النوم فزيت واعـي
لا تجرحين القلب وانتي ربيعـه
خل الزعل لايصير سبة ضياعي
حب البشر لو تجمعينه جميعـه
حبى لك اكبر والوفا من طباعي
-