حرام تترك خفـوق تشكـي غيابـك
وأنته بقلبي اعـز النـاس واغلاهـم
ناديت والصوت لا شـدك ولا جابـك
يا سيدي يا عديـل الـروح يـا فاهـم
انت بوجه اشتياقـي تغلـق ابوابـك
وانا اقرب الناس من قلبك وأوفاهـم
نسيت حتى تقول اشفيك وش صابـك
يوم الألم عـذب عروقـي واشقاهـم
أرسلت لك عتاب قلبي و أحسب حسابك
وأبياتي البيض دايـم باسمـك ابداهـم
يجبرني الشوق يجبرني على عتابـك
واتمنى تقرا وتعـزف قبـل تقراهـم
لمت الخفوق الي اذا قابلك هـلا بـك
يا اطيب الناس في عينـي وأغلاهـم
طاوعك قلبك تغيب وتهجـر أحبابـك
تنسـى غلاهـم وتتركهـم وتنساهـم