[poem=font="Arial,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هب الشمالي بالمسا واشعل الجاش=وتشبشبت نار شراره مطاشيش
الجاش مشتب واللهب للحشا حاش=والشوق الاقشر نبش القلب تنبيش
لاشفت معشوقي ولاشفت مطراش=وشنوح ياشوقي تشح بالمطاريش
شقشقت قلبي ياعشيري بالانطاش=وشوقك شلع شحمي وطشن عراويش
شليت شريان الحشا والحشا ماش=ونيران شوقي بالحشا له معاشيش
شاب الشعر والشوق طشن بالانعاش=وابلاش عشقي بالحشا له تعاميش
ثنعش شهر بالعشق واسهر بلا فراش=اشكي عشيري وامحش الدمع تمحيش
شفت الوزا شفت الزهق شفت الاطفاش=وشفت الشقا والشر وشفت التباليش
امشي مع الشرتا تمشي بالاحراش =ويشمت بي الشمات ويقول درويش
ياشبه شقحا مشيته تدهش ادهاش=بشوش وجهه يدهش الشوف تدهيش
ماناشها من الشر وشاويش وشاش=شريفة حشما وشرفها فلا نيش
من شاف ممشوط الشعر يابشر عاش=لاكشفة لاشوشة لاعكاريش
ريح الشفلح بالشعر تنعش انعاش=حرير اشقر شكله انعم من الريش
ماشفت انا المرشاش فوق الشدق راش=شدقه شعيع ماشتكى من مخاريش
ياعين شيهان بالاعشاش معتاش=شعشاعة بين الرموش المعاكيش
شوفك شفا يشفي جروحي بلا شاش=وشوقك شقا يشقي كبود معاطيش
متعاشرين عشرة شوف مابه غشاش=وشرع العشق عشق وشوف بلا طيش
اشتاق لك شوق شريف ومهتاش=شوق الشغايا لشوف رش المراهيش
بالجاش نيشان الشعر يقرش اقراش=واشفيت جاشي بالشعر وانشدن ليش
شيدت لك عشرين شطر على ااش=وشيدت لك عشرين شطر على ايش
[/poem]
نايف بن ممدوح الخزعلي