الشاعر / عايش بن هاضل ابوليل الصندلي السبيعي
قصه حصلت في قديم الزمان في باديه محافظه رنيه على الشيخ / سلطان بن سعد ابوليل الصندلي السبيعي وكان في ذلك الوقت لايوجد لدى رجال الباديه سواء قليل من المال وكان سلطان ينزل على بئر السمريه وهي عد يقع شرق جبل الهضيب يملكونها آل برود من قبيله الصنادله وكان معه اثنتين من الابل جعلهن على ابن واحد . قعود وهي فكره لدى رجال الباديه اذا كان الابل اثنتين يذبحون ولد وحده ويجبرونها على ابن الثانيه حتى يكونن الثنتين امهات لواحد ( الضوارى ) وهذا مافعله ابوليل . حيث اتهاه في احد الايام ضيوف ولم يجد مايقدم لهم سوا القعود الذي كان يحلب امهاته لاسرته فقام وذبح القعود للضيوف وعشاهم وهذا يدل على كرم سلطان ابوليل رحمه الله .
ياهل الوفاء للهرج لاقيل ميزان
يختل لامنه تعدى حدوده
المرجله ماهيب تشرى بالاثمان
والطيب يارثه الفتى من جدوده
الطيب ماينسى على طول الازمان
عدٍ كريمين النشاما تروده
اهل الكرم والمرجله مثل سلطان
اللي لضيف البيت يذبح قعوده
يستاهل البيضاء سلايل كحيلان
رجل بعسر الوقت ماقل جوده
سوى سواه الطيب قول بثبتان
فعل صحيح وحاضريين شهوده
يشهد على فعله شباب ٍ وشيبان
يوم المراجل والعلوم محدوده
ماهوب يسمع هرجه فلان وفلان
راعي جميلن عند ربي ردوده
للخير بيبان س وللشر بيبان
ونفس البنادم لاحداهن تقوده
وصلاه ربي عد ماهل ودان
على نبين صادق ٍ في وعوده