[نور الأصايل]

الغزال العارضية




وش بلاك يالغزال العارضيه = عن مراتعك سليتي او غديتي

اتردد بالمـــداهيل العـــديه = واتشـــــوّف واتوحّى مابديتي

الهوى مشهاة للقلب ونحيه = واعساك عن هواك ماانتحيتي

ياعروس القلب من يومك صبيه = كل عمري فدوة لك لو بغيتي

المحبه في عروق القلب حيه = ياكثر مافز قلبي لاطريتي

واهني من نام وعيونه هنيه = ماسهر ليله على ليتك وليتي

ياحب الناس في الدنيا عليه = اجمل اللي فيني بطوعي خذيتي

فيني من الحب مايكفي البريه = لو خذو نصفه حرام مادريتي


صاغها جمالا : خالد الفيصل