[وَدْقْ ,]

أهلاً وَسهلاً ,

نوبة من النُوبات جالسين نتقهوَى أنا وجدتِي يوم خلَصنا وأَصوت للخدامه تجِي تشِيله ودم جدتِي تنَادين الشغَاله وأَنتي جالسَه قلت ماأَقوى
أَشيله ثُمين أبوي يقُول لاأَشُوفك شَايله شَيء مره ثَانيه يهَاوشني لو يشُوفني ضحكَت قَالت الله مِن الهُول قلت إلا صدِق
قالت شلنَا ولاضَرنَا قلت أَنا يضرَنِي ,

وجَدتِي يَاولِك تكَب على فَرشَتها أو مركَى أو أي شيء حتى لَو البَلاط ؛ الجَماد والخَدامه أَغلى شيء عندَها ؛
وانا ماادري وش قطر على السماط مو الفرشه قالت وش سويتي إِغسلِيه قِلت فدوَه لي قالت لا فَرشتِي
قلت طَيب ماعَاد إني جَايه تطَردِين فِيني ضَحكت قَالت المُهم لاتكبِين بَس ؛ يوم جا من كم يُوم وحاطه فنجَالها على المركَى
قلت مَركَتنا لاتتوسَخ ترى بتغَسلِينهَا ضحكت وهِي عَارفه وش أَقصد قالت كَنها وسخَه قَلت لا كذَا لُونها هِي إَلا أَنتِي ودَك تَغسلِين وتدَهجِين ؛

عَاد جَدتِي لاهَاوشَتني مااأَنطَح وِش أَسوِي أَحاول أَتذكَر أي شَيء صَار لِي يُوجعنِي
أقُول ترى أَمس جلَست أغسِل المَطبخ وزلَقت ترتَاع وتنسَى سَالفة الهُوشَه ؛ إِستخدمُوا هذي الطَريقه إِذا عندكُم أَحد مِثل نِظام جَدتي وشُكراً ,

,