جاحد المعروف
الله مـن هــم لحـالـي يلـوفـي
همن يسـم الحـال ويلوفهـا لـوف
لـوف الهبـوب لدانيـات القطوفـي
غصنه ليان ويصفقه كـل عاصـوف
واسباب مابي علتـن وسـط جوفـي
وعزي لمثلي علتـه داخـل الجـوف
دنيـاي عجفـا والنصيـب معجوفـي
يصفق بجنحان بلى ريـش مصفـوف
مغيـر اهديهـا عسـاهـا تطـوفـي
ازمه تمـر الادمـي عـام وتطـوف
لاكنهـا طالـت وكثـره اصـدوفـي
وشتلت حملن فيـه مغـرم ومكلـوف
حملـن ثقيـل وماتشيلـه اكتـوفـي
اثقل على من رواسـي جبـل عـوف
شلتـه لحالـي والقريـب يشـوفـي
وازراء يساعدني على الحمل ويـروف
وقتي يصارعنـي بحـدب السيوفـي
واصارعه لو مامعي خيـل وسيـوف
ياكثـر هقواتـي وياكـثـر خـوفـي
تدفعنـي الهقـوه ويمنعنـي الخـوف
والي حداني عـن هـواي اضروفـي
خلتني ارجع عن مرادي وانا اشـوف
وقفت ليـن انـي عزفـت الوقوفـي
واليـوم مابيـدي مقعـد ولا وقـوف
علـى زمـانٍ فاتـنـي واحسـوفـي
الي وقفـت بماقفـن فيـه حرفـوف
احسب عميلي صادقـن بـي ويوفـي
لكن عميلي منهجـه غيـر معـروف
ان جيت يبسط لـي جميـع الكفوفـي
ون رحت عن درب السنع جاه صادوف
يمـدنـي برقيـقـات الـحـروفـي
اثري حروف الشيخ تتلى لها حـروف
اعمل واحسب الي عملـت مخلوفـي
في واحدن فيه العمل غيـر مخلـوف
في جاحد المعروف ضـاع معروفـي
مير العوض في خالق الروح والشوف