[بنت الاصول]

يا مشتكي للناس ما تنفع الناس
ما ينفع إلاَّ ربها إللي خلقها
لا شفت من ضيم الزمن جور واتعاس
ازبن على اللي كل خلقه رزقها
لا سجَّت عيون المخاليق بنعاس
في ساعةٍ راعى القيام يعشها
اسجد لوجه اللي خلق كل الاجناس
لو جبهتك بعض الغبار يعلقها
وارفع يديك لواحدٍ يبري الباس
معطي العطاء لا مدها ما فهقها
له خزنةٍ بدون قفلٍ وحراس
وعيون خلقه صوبها من شفقها
هذي نصيحة خير يا طيِّب الساس
لا تحتري مد البشر من ورقها
كم واحدٍ قال ابشر بكنز واكياس
وروَّح مراح اللي ترف بشنقها
والرجل يصمت كان له عقل وإحساس
ولاَّ يثَّمن كلمته لا نطقها